હળવદમાં ઘરમાં જુગાર રમતા 4 શખ્સો 2.62 લાખના મુદામાલ સાથે પકડાયા: ધરધણીની શોધખોળ

હળવદમાં આવેલ ગોકુલનગરમાં રહેતા શખ્સનાં ઘરની અંદર જુગાર રમતા હોવાની ચોક્કસ હકીકત મળી હતી જેના આધારે સ્થાનિક પોલીસ દ્વારા ત્યાં જુગારની રેડ કરવામાં આવી હતી ત્યારે સ્થળ ઉપરથી જુગાર રમતા ચાર શખ્સો મળી આવ્યા હોય પોલીસે 1,51,500 ની રોકડ તથા અન્ય મુદ્દામાં મળીને 2.62 લાખ રૂપિયાની કિંમતના મુદ્દામાલ સાથે આરોપીઓની ધરપકડ કરી હતી અને હાલમાં ઘરધણી સહિત પાંચ શખ્સો સામે હળવદ તાલુકા પોલીસ સ્ટેશન ખાતે ગુનો નોંધાયો છે અને ઘરધણીને પકડવા માટેની તજવીજ ચાલી રહી છે

હળવદ તાલુકા પોલીસ સ્ટેશનના પીઆઇ આર.ટી.વ્યાસની સૂચના મુજબ સ્ટાફના માણસો પેટ્રોલિંગમાં હતા દરમિયાન મળેલી હકીકત આધારે હળવદના ગોકુળનગર વિસ્તારની અંદર રહેતા ભરતભાઈ ગોકળભાઈ બારાના રહેણાંક મકાનમાં જુગારની રેડ કરવામાં આવી હતી ત્યારે ત્યાં જુગાર રમતા પ્રવીણ ઉર્ફે પીટર લીંબાભાઇ કલોતરા રહે. ગોકુળનગર હળવદ, બળદેવભાઈ ઘનશ્યામભાઈ ધારીયા પરમાર રહે. શરણેશ્વર સોસાયટી હળવદ, ધવલ દેવશીભાઈ કલોતરા રહે. ગોકુળનગર હળવદ અને વાસુદેવભાઈ મોહનભાઈ એરવાડિયા રહે. વસંત પાર્ક હળવદ વાળા મળી આવ્યા હતા જેથી પોલીસે 1,51,500 ની રોકડ તેમજ 40,000 ની કિંમતના બે બાઈક અને 71,000 ની કિંમતના ચાર મોબાઈલ ફોન આમ કુલ મળીને 2,62,500 ની કિંમતનો મુદ્દામાલ કબજે કર્યો છે અને રેડ કરવામાં આવી હતી ત્યારે ઘરધણી ભરતભાઈ ગોકળભાઈ બારા હાજર ન હોય હાલમાં પાંચ શખ્સોની સામે હળવદ તાલુકા પોલીસ સ્ટેશન ખાતે ગુનો નોંધાયો છે અને ઘરધણીને પકડવા માટેની તજવીજ ચાલી રહી છે.