મોરબીના સાપર નજીક માતેલા સાંઢની જેમ દોડતા ડમ્પરે બાઈકને હડફેટે લેતા યુવાનનું મોત
Morbi Today
મોરબીનાં રંગપર પાસે કારખાનામાં રીવર્સમા આવતા ટ્રકે સિક્યોરીટી ગાર્ડને હડફેટે લેતા ગુપ્ત ભાગ-શરીરે ઇજા
SHARE
JOIN OUR GROUP
મોરબીનાં રંગપર પાસે કારખાનામાં રીવર્સમા આવતા ટ્રકે સિક્યોરીટી ગાર્ડને હડફેટે લેતા ગુપ્ત ભાગ-શરીરે ઇજા
મોરબી તાલુકાનાં રંગપર પાસે આવેલ કોયો સિરામિકમાં ટ્રક ચાલકે બેદરકારીથી ફુલ ટર્ન મારી ટ્રકને રીવર્સમા લેતા સિક્યોરીટી ગાર્ડ તરીકે ફરજ બજાવતા યુવાનને હડફેટે લીધો હતો જેથી કરીને તે યુવાનને પગના સાથળમા ફ્રેક્ચર, ગુપ્ત ભાગે તથા ડાબા હાથમા કાંડાના ભાગે ઇજા થઈ હતી અને ટ્રક ચાલકે ખર્ચ આપવાની વાત કરી હતી જો કે, સારવારમાં ખર્ચ વધી જતાં ટ્રક ચાલકે રૂપિયા આપવાની ના કહી છે જેથી ભોગ બનેલા યુવાને ફરિયાદ નોંધાવતાં પોલીસે ગુનો નોંધીને આરોપીને પકડવા માટે આગળની કાર્યવાહી હાથ ધરેલ છે
બનાવની જાણવા મળતી માહિતી મુજબ મુળ યુપીના તિલકનગર તાલુકાનાં ભીંન્ગા ગામના રહેવાસી અને હાલમાં રંગપર પાસે આવેલ કોયો સિરામિકમાં રહેતા અને સિક્યોરીટી ગાર્ડ તરીકે ફરજ બજાવતા કૃષ્ણકુમાર સમયદીન રાવત જાતે ક્ષત્રિય (ઉ.૩૮)એ ટ્રક કન્ટેનર નં જી જે ૧૨ બીએક્સ ૦૪૫૧ ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યુ છે કે, ગત તા.૨૧/૭/૨૦૨૧ ના બપોરના અઢી વાગ્યાના અરસામાં કોયો સિરમિકના પાર્કીંગ ગ્રાઉન્ડમા હતા ત્યારે આરોપીએ પોતાના હવાલા વાળો ટ્રક કન્ટેનર નં. જીજે ૧૨ બીએક્સ ૦૪૫૧ વાળો પુર ઝડપે અને ગફલત ભરી રીતે પાછળ જોયા વગર બેદરકારીથી ફુલ ટર્ન મારી ટ્રકને રીવર્સમા આવવા દીધો હતો અને ફરીયાદીને ક્લીનર સાઇડના પાછળના વ્હીલમા હડફેટે લઇ એક્સીડન્ટ કર્યું હતું જેમાં ફરીયાદીને જમણા પગના સાથળમા ફ્રેક્ચર, ગુપ્ત ભાગે તથા ડાબા હાથમા કાંડાના ભાગે ઇજા કરી હતી અને પોતાના હવાલાવાળો ટ્રક મુકી નાશી ગયો હતો જો કે, ટ્રક વાળાએ જે તે વખતે ખર્ચો આપવાની વાત ભોગ બનેલા યુવાનને કરેલ હતી માટે ત્યારે ફરીયાદ કરેલ ન હતી અને ખર્ચો વધુ થઇ જતા ટ્રક ચાલકે ખર્ચો આપવાની ના પાડેલ છે જેથી યુવાને ફરીયાદ નોંધાવતાં પોલીસે આઇ.પી.સી. કલમ ૨૭૯, ૩૩૭, ૩૩૮ તથા એમ વી એકટ કલમ-૧૭૭, ૧૮૪, ૧૩૪ મુજબ ગુનો નોંધીને આરોપીને પકડવા માટે તજવીજ શરૂ કરેલ છે
