ટંકારાના છતર પાસે ગોડાઉનમાં 32,556 બોટલ દારૂ-બીયર જથ્થો મંગાવનાર મુખ્ય સૂત્રધારની ધરપકડ

ટંકારાના છતર ગામ પાસે આવેલ જી.આઇ.ડી.સી.માં આવેલ ગોડાઉનમાં થોડા સમય પહેલા દારૂની રેડ કરી હતી ત્યારે મોટા પ્રમાણમાં ઇંગ્લીશ દારૂનો જથ્થો ત્યાંથી મળી આવેલ હતો જે ગુનામાં ત્રણેક માસથી નાસતા ફરતા આરોપીને ટંકારા પોલીસે ઝડપી લીધેલ છે અને આગળની કાર્યવાહી હાથ ધરી છે.

મોરબી જિલ્લાના એસપી મુકેશ પટેલ અને વાંકાનેરના ડીવાયએસપી સમીર સારડાના માર્ગદર્શન હેઠળ ટંકારાના પીઆઇ જે.ડી.ઝાલા અને તેની ટિમ કામ કરી રહી છે તેવામાં ટંકારા તાલુકાનાં દારૂના ગુનામાં નાસતા ફરતા આરોપીઓ પકડી પાડવા પીએસઆઈ જે.કે.રાણા અને તેની ટિમ કાર્યરત હતી તેવામાં અગાઉ છતર જી.આઇ.ડી.સી.માં પ્રિન્સ વિરેન્દ્રભાઇ ઝાલરીયા રહે. મોરબી વાળાએ ગોડાઉન ભાડે રાખીને ત્યાં વિદેશી દારૂનો જથ્થો ઉતારેલ હતો ત્યારે પોલીસે રેડ કરીને સ્થળ ઉપર ગોડાઉનમાંથી દારૂની 4956 બોટલો તથા 27600 પ્લાસ્ટીકના ચપલા અને અન્ય મુદામાલ મળી કુલ 1,17,22,800 ના મુદામાલ સાથે જે તે સમયે 4 આરોપીઓને પકડવામાં આવ્યા હતા અને રેઇડ દરમ્યાન ગોડાઉન માલીક પ્રિન્સ વિરેન્દ્રભાઇ ઝાલરીયા વાળો નાસી ગયેલ હતો અને ત્યારથી નાસતો ફરતો હતો જે આરોપી પ્રીન્સભાઇ વિરેન્દ્રભાઇ ઝાલરીયા (22) રહે.નાની વાવડી ગામ ભગવતી પાર્ક સોસાયટી હનુમાન મંદીરની બાજુમાં તા.મોરબી વાળો મોરબી ખાતે હોવાની હકિકત આધારે પોલીસે મોરબીમાંથી આરોપીની ધરપકડ કરેલ છે અને આરોપીના રિમાન્ડ લેવા માટેની તજવીજ શરૂ કરી છે.