મોરબી અને રફાળેશ્વર પાસે દારૂની રેડ ; દારૂ-બીયરની ૫૧ બોટલ સાથે બે ઝડપાયા
Morbi Today
મોરબીના માનસર અને દેરાળા વચ્ચે દવા પીવડાવી દેવાતા યુવાન સારવારમાં ખસેડાયો
SHARE
JOIN OUR GROUP
મોરબીના માનસર અને દેરાળા વચ્ચે દવા પીવડાવી દેવાતા યુવાન સારવારમાં ખસેડાયો
મોરબી જિલ્લાના માળીયા મિંયાણા તાલુકાના દેરાળા ગામના રહેવાસી કોળી યુવાનને માનસર અને દેરાળા વચ્ચે ગોળાઇ નજીક રસ્તામાં મોડી રાત્રીના અગિયાર વાગ્યાના અરસામાં કોઇના દ્રારા ઝેરી દવા પીવડાવી દેવામાં આવી હોય તેને સારવાર મોરબી ખસેડાયો હતો અને ત્યાંથી વધુ સારવાર માટે રાજકોટ લઇ જવાયો હોવાનું સુત્રોમાંથી જાણવા મળી રહ્યું છે.
મોરબી સીટી એ ડીવીઝન પોલીસ સ્ટેશન અને માળીયા પોલીસ સ્ટેશનમાંથી મળતી માહિતી મુજબ માળીયા મિંયાણા તાલુકાના દેરાળા ગામે આવેલ ઢવાણીયાદાદા નગરમાં રહેતો સુરેશ પ્રભુભાઈ ધોળકિયા નામનો ૨૭ વર્ષીય કોળી યુવાન ગત રાત્રીના સાડા અગિયારેક વાગ્યાના અરસામાં માનસર અને દેરાળા ગામની ગોળાઈ પાસેથી જતો હતો ત્યાં કોઈ અજાણ્યા ઈસમ દ્વારા તેને ઝેરી દવા પીવડાવી દેવામાં આવતા સુરેશ કોળીને પ્રથમ અહીં મોરબીની શુભ હોસ્પિટલ ખાતે સારવાર માટે લાવવામાં આવ્યો હતો અને ત્યાં પ્રાથમિક સારવાર આપીને વધુ સારવાર માટે રાજકોટ રીફર કરાયો હોવાનું જાણવા મળેલ છે.બનાવની જાણ થતાં એ ડિવિઝન પોલીસ મથકના એચ.એમ.ચાવડાએ પ્રાથમિક તપાસ કરી હતી. જોકે બનાવ માળીયા પોલીસ મથકની હદમાં બન્યો હોય હાલ માળીયા પોલીસ મથકે જાણ કરવામાં આવતાં માળીયા મીંયાણા પોલીસ મથકના વસંતભાઇ વઘેરાએ બનાવ સંદર્ભે આગળની તપાસ હાથ ધરી છે.જોકે કયા કારણોસર ઉપરોકત બનાવ બન્યો તે હાલ તપાસનો વિષય છે.
પરપ્રાંતીય યુવાનનું મોત
મોરબીના માળીયા હાઈવે ઉપર હરીપર ગામ પાસે આવેલ દેવ સોલ્ટ નામના યુનિટમાં મજૂરીકામ કરતાં રાજકુમાર બિહારીલાલ કૌલ નામના ૨૮ વર્ષીય મૂળ ચચાઇ સેહડોલ મધ્યપ્રદેશના વતની એવા મજુર યુવાનને ગઈકાલે બપોરના બે વાગ્યાના અરસામાં હાર્ટ એટેકનો હુમલો આવવાથી બેભાન હાલતમાં માળીયા પીએચસી ખાતે લઇ જવાયો હતો જ્યાં ફરજ ઉપરના તબીબે જોઈ તપાસીને રાજકુમાર કૌલને મૃત જાહેર કરી પોલીસને બનાવ અંગે જાણ કરી હતી જેથી હાલ માળીયા પોલીસ મથકના હનુભા ગઢવીએ હાલમાં બનાવ અંગે આગળની તપાસ શરૂ કરી છે.
