વાંકાનેરમાં કોઈપણ પ્રકારની ડીગ્રી વગર મેડિકલ પ્રેક્ટિસ કરતો બોગસ ડોક્ટર ઝડપાયો
SHARE
JOIN OUR GROUP
વાંકાનેરમાં કોઈપણ પ્રકારની ડીગ્રી વગર મેડિકલ પ્રેક્ટિસ કરતો બોગસ ડોક્ટર ઝડપાયો
વાંકાનેરની ગુલશન પાર્ક સોસાયટીમાં ડિગ્રી વગરનો ડોક્ટર પ્રેક્ટિસ કરતો હોવાની હકીકત આધારે સ્થાનિક પોલીસ દ્વારા ત્યાં રેડ કરવામાં આવી હતી ત્યારે સ્થળ ઉપર લોકોના આરોગ્ય સાથે ચેડા કરતો મૂળ રાજસ્થાનનો શખ્સ મળી આવ્યો હતો જેથી કરીને પોલીસે તેની પાસેથી 3,000 ની કિંમતનો મુદ્દામાલ કબજે કર્યો હતો અને તેની ધરપકડ કરી હતી ત્યાર બાદ તેની સામે વાંકાનેર સિટી પોલીસ સ્ટેશન ખાતે જુદી-જુદી કલમ હેઠળ ગુનો નોધીને પોલીસે રાબેતા મુજબની કાર્યવાહી હાથ ધરી છે
મોરબી જિલ્લાના જુદા જુદા વિસ્તારની અંદર બિલાડીના ટોપની જેમ બોગસ ડોક્ટરો ફૂટી નીકળી છે ત્યારે વાંકાનેર સિટી પોલીસની પેટ્રોલિંગમાં હતી દરમિયાન વાંકાનેરમાં આવેલ ગુલશન પાર્ક સોસાયટી વિસ્તારમાં મૂળ રાજસ્થાનના જાકીરખાન બસીરખાન પઠાણ નામનો શખ્સ ડોક્ટર તરીકે પોતાના દવાખાનામાં મેડિકલ પ્રેક્ટિસ કરતો હતો જો કે, તેની પાસે ડોક્ટર ની કોઈ પણ પ્રકારની ડિગ્રી હતી નહીં અને દર્દીઓના તથા લોકોના આરોગ્ય સાથે ચેડા કરવામાં આવતા હોય પોલીસ દ્વારા સ્થળ ઉપરથી 3000 રૂપિયાની કિંમતનો મુદ્દા માલ કબજે કરવામાં આવ્યો હતો અને હાલમાં જાકીરખાન બસીરખાન પઠાણ (40) રહે ગુલશન પાર્ક સોસાયટી વાંકાનેર વાળાને પકડીને તેની સામે વાંકાનેર સીટી પોલીસ સ્ટેશન ખાતે બીએનએસ તથા ગુજરાત મેડિકલ પ્રેક્ટિસ એક્ટની જુદી જુદી કલમ હેઠળ ગુનો નોંધીને પોલીસે આગળની રાબેતા મુજબની કાર્યવાહી હાથ ધરી છે
