મોરબી નાઇફ વર્કસ નામના કારખાનામાં બાળક પાસે મજૂરી કરાવનારા સંચાલક સામે ગુનો નોંધાયો

મોરબીના માધાપર પાસે અંબિકા રોડ ઉપર આવેલ પેઢીમાં શ્રમ અધિકારીની ટીમ પહોંચી હતી ત્યારે ત્યાં સ્થળ ઉપર 14 વર્ષથી નાની ઉંમર ધરાવતા બાળકો પાસે કામ લેવામાં આવતું હોવાનું ધ્યાન કરાવ્યું હતું જેથી કરીને હાલમાં પેઢીના સંચાલક સામે મોરબી એ ડિવિઝન પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આગળની રાબેતા મુજબની કાર્યવાહી હાથ ધરી છે

મોરબીના માધાપર અંબિકા રોડ ઉપર આવેલ મોરબી નાઈફ વર્ક્સ નામની પેઢીમાં સરકારી શ્રમ અધિકારીની ટીમ પહોંચી હતી ત્યારે ત્યાં સ્થળ ઉપરથી 14 વર્ષથી ઓછી ઉંમર ધરાવતા બાળક પાસે કામ લેવામાં આવતું હોવાનું ધ્યાન ઉપર આવ્યું હતું જેથી આ બાબતે સરકારી શ્રમ અધિકારી મિતેશકુમાર પરસોતમભાઈ જોશી દ્વારા એ ડિવિઝન પોલીસ સ્ટેશન ખાતે રઘુવીરસિંહ નવીનચંદ્ર (44) રહે. માધાપર અંબિકા રોડ મોરબી વાળા સામે ફરિયાદ નોંધાવવામાં આવેલ છે જેથી પોલીસ દ્વારા ગુનો નોંધીને આરોપીને પકડીને રાબેતા મુજબની કાર્યવાહી હાથ ધરવામાં આવી છે.

બાઈક ચોરી
હળવદના સુંદરગઢ સૂર્યનગર ખાતે રહેતા કાંતિભાઈ છગનભાઈ પરમાર (54)એ હાલમાં હળવદ તાલુકા પોલીસ સ્ટેશન ખાતે વાહન ચોરીની ફરિયાદ નોંધાવી છે જેમાં જણાવ્યુ છે કે, તેઓના દીકરા રવિભાઈએ હળવદના સરા રોડ ઉપર આવેલ મેલડી માતાજીના મંદિરે સામે રાધા મોલના ગેટ પાસે બાઈક નંબર જીજે 36 એ 9964 પાર્ક કરીને મૂક્યું હતું જે 25,000 રૂપિયાની કિંમતનું બાઈક કોઈ અજાણ્યા શખ્સ દ્વારા ચોરી કરવામાં આવેલ છે જેથી હાલમાં આધેડે નોંધાવેલ ફરિયાદ આધારે પોલીસે અજાણ્યા શખ્સની સામે ગુનો નોંધીને આરોપીને પકડવા માટે તજવીજ શરૂ કરેલ છે