મોરબીના રંગપર પાસે કારખાનામાં મશીનના બેલ્ટમાં હાથ આવી જતાં ઇજા પામેલા યુવાનનું સારવારમાં મોત

મોરબીના રંગપર ગામ પાસે આવેલ સીરામીક કારખાનામાં યુવાન રાત્રિના સમયે માટી ખાતામાં કામ કરતો હતો ત્યારે કન્વેયર બેલ્ટમાં તેનો જમણો હાથ આવી ગયો હતો જેથી તે યુવાનને ઇજા થઈ હોવાથી તેને સારવાર માટે અમદાવાદની સરકારી હોસ્પિટલ સુધી લઈ ગયા હતા જોકે સારવાર દરમિયાન તે યુવાનનું મોત નીપજયું હતું જેથી આ બનાવની મોરબી તાલુકા પોલીસ સ્ટેશન ખાતે જાણ કરતા પોલીસે અકસ્માત મૃત્યુના બનાવની નોંધ કરીને આગળની કાર્યવાહી હાથ ધરી છે

મૂળ એમપીના રહેવાસી અને હાલમાં મોરબીના રંગપર ગામની સીમમાં આવેલ મારબીજ સિરામિક કારખાનાના લેબર કવાર્ટરમાં રહેતા અને મજૂરી કામ કરતા વિનોદભાઈ રામપ્રસાદ નટ (38) નામનો યુવાન ગત તા. 17/10 ના રોજ રાત્રિના એક વાગ્યાના અરસામાં કારખાનામાં આવેલ માટી ખાતામાં કામ કરતો હતો ત્યારે કન્વેયર બેલ્ટમાં તેનો જમણો હાથ આવી જવાના કારણે યુવાનને ગંભીર ઇજા થઈ હતી જેથી તેને સારવાર માટે અમદાવાદની સરકારી હોસ્પિટલ સુધી લઈ ગયા હતા જોકે ચાલુ સારવાર દરમિયાન તેનું મોત નીપજયું હતું ત્યાર બાદ આ બનાવની મૃતક યુવાનના પત્ની શકીલાબાઈ વિનોદભાઈ નટ રહે. હાલ મારબીજી સિરામિક કારખાના લેબર ક્વાર્ટરમાં રંગપર મોરબી વાળાએ મોરબી તાલુકા પોલીસ સ્ટેશન ખાતે જાણ કરતા પોલીસે અકસ્માત મૃત્યુના બનાવની નોંધ કરી આગળની કાર્યવાહી હાથ ધરી છે