મોરબીના એક્યુટોપ સિરામિકના ચંદ્રકાંતભાઈ આદ્રોજાનું સરાહનીય કાર્ય
Morbi Today
મોરબીના સુભાષ રોડે ચાર દુકાનમાં ચોરી: તસ્કર રોકડ, ઘીના ડબ્બા, અગરબતીના પેકેટ અને વાળ કાપવાનુ મશીન લઈ ગયો !
SHARE
JOIN OUR GROUP
મોરબીના સુભાષ રોડે ચાર દુકાનમાં ચોરી: તસ્કર રોકડ, ઘીના ડબ્બા, અગરબતીના પેકેટ અને વાળ કાપવાનુ મશીન લઈ ગયો !
મોરબીમાં સુપર ટોકીઝ પાસે આવેલ સુભાષ રોડ ઉપર આવેલ જુદી જુદી ચાર દુકાનોને તસ્કરોએ શનિવારે રાતના સમયે નિશાન બનાવી હતી અને જુદીજુદી દુકાનોમાંથી કુલ મળીને ૪૫૫૦ રૂપિયાનો મુદ્દામાલ ચોરી કરવામાં આવ્યો હતો જેથી આ બનાવ સંદર્ભે હાલમાં મોરબી સીટી એ ડીવીઝન પોલીસ સ્ટેશન ખાતે ભોગ બનેલા વેપારીએ ફરિયાદ નોંધાવતા પોલીસે અજાણ્યા શખ્સ સામે ચોરીની ફરિયાદ નોંધી આરોપીને પકડવા માટે તજવીજ શરૂ કરેલ છે
બનાવની જાણવા મળતી માહિતી મુજબ મોરબી શહેરના સુભાષ રોડ ઉપર હરિઓમ અગરબત્તી નામની દુકાન ધરાવતા અને વાવડી ચોકડી ભગવતી હોલ પાસે કૈલાસ પાર્કમાં રહેતા મોતીભાઈ તુલસીભાઈ મકવાણા જાતે આહીર (ઉંમર ૬૦)એ હાલમાં મોરબી સીટી એ ડીવીઝન પોલીસ સ્ટેશન ખાતે તેઓની દુકાન અને અન્ય વેપારીઓની દુકાનમાં ચોરી થઈ હોવા અંગેની ફરિયાદ નોંધાવેલ છે જેમાં ભોગ બનેલા વેપારીએ જણાવ્યુ છે કે, ગત તારીખ ૧૬/૧ ના રાત્રિના દોષ વાગ્યાથી લઈને સવારે ૬ વાગ્યા સુધીમાં તેઓની દુકાનના તાળાં તોડીને ત્રણ ઘીના ડબ્બા અને અગરબત્તીના પાંચ પેકેટની ચોરી કરેલ છે તેમજ મનીષભાઈ શશીકાંતભાઈ મીરાણીની દુકાનમાથી રોકડ ૪૦૦૦, અનીલભાઈ દેવજીભાઈ સોલંકીની દુકાનમાથી વાળ કાપવાનુ મશીન લઈ ગયા છે અને નીમચંદ ભાઈચંદભાઈ મહેતાની દુકાનના તાળા તોડવાનો પ્રયત્ન કર્યો હતો આમ ચાર દુકાનના તાળાં તોડીને તસ્કરો કુલ મળીને ૪૫૫૦ નો મુદામાલ ચોરી કરી ગયેલ છે જેથી ભોગ બનેલા મોતીભાઈ મકવાણાની ફરિયાદ લઈને પોલીસે હાલમાં અજાણ્યા શખ્સ સામે ચોરીનો ગુનો નોંધી આરોપીને પકડવા માટે તજવીજ શરૂ કરેલ છે
