મોરબીના ગાયત્રીનગરમાં બાઇક ધીમું ચલાવવાનું કહેતા યુવાનને બે ભાઈઓએ ઢીબી નાખ્યો, જાનથી મારી નાખવાની ધમકી
SHARE
JOIN OUR GROUP
મોરબીના ગાયત્રીનગરમાં બાઇક ધીમું ચલાવવાનું કહેતા યુવાનને બે ભાઈઓએ ઢીબી નાખ્યો, જાનથી મારી નાખવાની ધમકી
મોરબીના વાવડી રોડ ઉપર આવેલ ગાયત્રીનગરમાં રહેતા યુવાને તેના ઘર પાસેથી બાઈક ધીમું ચલાવવા માટે એક શખ્સને કહ્યું હતું ત્યારબાદ તે શખ્સ અને તેના ભાઈએ યુવાનની સાથે બોલાચાલી કરી હતી અને ઢીકાપાટુનો તેમજ ધોકા વડે માર માર્યો હતો અને જાનથી મારી નાખવાની ધમકી આપી હતી જેથી કરીને ભોગ બનેલા યુવાનો દ્વારા હાલમાં મોરબી સીટી એ ડીવીઝન પોલીસ સ્ટેશન ખાતે બે શખ્સોની સામે ફરીયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે.
જાણવા મળતી વિગત પ્રમાણે મોરબીના વાવડી રોડ ઉપર ગાયત્રી નગર શેરી નં-૨ માં મારુતિ પાનની બાજુમાં રહેતા લેખરાજ રણજિતદાન ઈશરાની જાતે ગઢવી (ઉમર ૩૨)એ તે જ વિસ્તારની અંદર રહેતા જગદીશભાઇ કનુભાઈ લુહાર અને તેના મોટાભાઈની સામે માર માર્યો હોવાની અને જાનથી મારી નાંખવાની ધમકી આપી હોવાની ફરિયાદ નોંધાવેલ છે જેમાં તેણે જણાવ્યું છે કે તેને પોતાની શેરીમાંથી જગદીશભાઈ કનુભાઈ લુહારને બાઈક ધીમું ચલાવવા માટે થઈને કહ્યું હતું જે તેને સારું નહીં લગતા ગાળો આપી હતી અને ઢીકાપાટુનો મારમાર્યો હતો ત્યારબાદ જગદીશભાઈ કનુભાઈ લુહારના મોટાભાઇએ આવીને તેના હાથમાં રહેલ ધોકો ફરિયાદી લેખરાજને માથા માર્યો હતો અને જાનથી મારી નાખવાની ધમકી આપી હતી માટે હાલમાં ભોગ બનેલા યુવાનની ફરિયાદ લઈને પોલીસે બે શખ્સોની સામે ગુનો નોંધી આરોપીઓને પકડવા માટે તજવીજ શરૂ કરી છે.
