મોરબીના કોયલી ગામે આહિર સમાજ દ્વારા આયોજિત સમૂહલગ્નમાં ૪૦ નવયુગલે પ્રભુતામાં ડગ માંડ્યા
Morbi Today
મોરબીમાં ત્રણ માસ પહેલા છૂટાછેડા થયા હોવાનું મનમાં લાગી આવતા ઉંદર મારવાની દવા પી લેતા યુવતી સારવારમાં
SHARE
JOIN OUR GROUP
મોરબીમાં ત્રણ માસ પહેલા છૂટાછેડા થયા હોવાનું મનમાં લાગી આવતા ઉંદર મારવાની દવા પી લેતા યુવતી સારવારમાં
મોરબીના મકરાણીવાસ વિસ્તારમાં રહેતી યુવતીએ ઉંદર મારવાની દવા પી લેતા તેણીને સારવારમાં ખસેડવામાં આવી હતી.પોલીસ તપાસમાં ખૂલ્યું હતું કે તેણીના ત્રણ માસ પહેલા છૂટાછેડા થયા હોય ટેન્શનમાં આવી જઈને માવતરને ત્યાં જ તેણીએ ઉપરોક્ત પગલું ભર્યું હતું.
મોરબી સીટી એ ડીવીઝન પોલીસ સૂત્રોમાંથી મળતી માહિતી મુજબ શહેરના મકરાણીવાસ વિસ્તારમાં માવતરને ત્યાં રહેતી નગ્માબેન અનવરભાઈ શાહમદાર નામની ૨૧ વર્ષીય યુવતીએ તેના ઘેર ઉંદર મારવાની દવા પી લીધી હતી.જેથી તેણીને સારવાર માટે અહીંની સિવિલ હોસ્પિટલે ખસેડવામાં આવી હતી. બનાવની જાણ થતા એ ડિવિઝન પોલીસ મથકના હમીરભાઇ ગોહિલે તપાસ કરતા ખૂલ્યું હતું કે ભોગ બનેલ નગ્માબેનના ત્રણ માસ પહેલા છુટાછેડા થયેલા છે અને તેને લઈને તે માનસિક ટેન્શનમાં ગુમસુમ રહેતા હતા અને તે દરમ્યાન તેમણે ઉપરોક્ત પગલું ભરી લેતાં સારવારમાં ખસેડવામાં આવ્યા હતા.
વાહન અકસ્માતમાં ઈજા
ભુજમાં આરટીઓ નજીક રહેતા મીતાબેન કલ્પેશભાઇ ઠક્કર નામની ૪૭ વર્ષીય મહિલાને મોરબીના માળીયા તાલુકાના હરીપર ગામ પાસે કાર અને ટ્રક વચ્ચે થયેલા અકસ્માત બનાવમાં ઇજાઓ થતાં મિતાબેનને અહિંની ક્રિષ્ના હોસ્પિટલે સારવાર માટે લાવવામાં આવ્યા હતા.જ્યારે ટીંબડી નજીક રહેતા મગનભાઈ મોહનભાઈ આદ્રોજા નામના ૬૫ વર્ષીય વૃદ્ધ માળીયા હાઈવે ઉપરથી જતા હતા ત્યારે પાટીદાર ટાઉનશીપ નજીક તેઓના બાઇકને કાર નંબર જીજે ૪ બીબી ૮૩૪૯ ના ચાલકે હડફેટે લેતા ઇજાગ્રસ્ત મગનભાઈ આદ્રોજાને સારવાર માટે સામેકાંઠે આવેલ સમર્પણ હોસ્પિટલે ખસેડાયા હતા.
બાળક-યુવાન સારવારમાં
મોરબી તાલુકાના મકનસર ગામે રહેતા બીપીનભાઈ કૈલાના નવ વર્ષીય પુત્ર વૈભવને વાહન અકસ્માતમાં ઇજા થતાં સારવારમાં સીવીલે ખસેડાયો હતો. પોલીસના જણાવ્યા પ્રમાણે વૈભવ પોતાના પિતાની સાથે બાઈકમાં જતો હતો ત્યારે ઘૂંટુ અને મોરબીની વચ્ચે તેમના બાઇકની આડે કુતરૂ આડુ ઉતરતા બાઈક સ્લીપ થઈ જતાં ૧૦૮ વડે વૈભવને સીવીલે સારવાર માટે લાવવામાં આવ્યો હતો.જ્યારે મોરબીના હળવદ રોડ ઉપર ઉંચી માંડલ ગામ પાસે આવેલ સીબોન સિરામિકમાં રહીને મજૂરી કરતા મહેશ ગંગાપ્રસાદ માલવિયા નામના ૩૫ વર્ષીય યુવાનને તેના કવાટરમાં અકસ્માતે પેટના ભાગે ઇજાઓ થવાથી તેને સામાકાંઠે સમર્પણ હોસ્પિટલે ખસેડાયો હતો.
