વાંકાનેરના માટેલ રોડે કારખાનાના લેબર કવાર્ટરમાં યુવાને કર્યો આપઘાત
Morbi Today
મોરબીના જેતપર ગામે જાહેરમાં જુગાર રમતા છ ઝડપાયા
SHARE
JOIN OUR GROUP
મોરબીના જેતપર ગામે જાહેરમાં જુગાર રમતા છ ઝડપાયા
મોરબી તાલુકાના જેતપર ગામે જાહેરમાં જુગાર રમાતો હોવાની બાતમીને આધારે તાલુકા પોલીસે રેડ કરતાં જાહેરમાં જુગાર રમી રહેલા છ ઇસમોની રોકડ રકમ સાથે ધરપકડ કરવામાં આવેલ છે.
મોરબી તાલુકા પોલીસને મળેલ બાતમીના આધારે મોડીરાત્રીના મોરબી તાલુકાના જેતપર ગામે રેડ કરવામાં આવી હતી જ્યાં જાહેરમાં જુગાર રમી રહેલા લાલજી ધનજી સાંતલીયા, જયંતિ વેરસી માલણીયાત, મનસુખ ધરમસી માલણીયાત, જગદીશ માવજી ઢવાણીયા, લાલજી અમરસી માલણીયાત અને મૂળજી ધના પરમાર નામના છ ઈસમો રહે.બધા જેતપર (મચ્છુ) તા.જી.મોરબી વાળાઓની રોકડા રૂપિયા ૧૦,૧૫૦ સાથે ધરપકડ કરવામાં આવેલી છે.
નાસી છુટેલા જુગારીઓ પકડાયા
મોરબી તાલુકા પોલીસે ખાનપર ગામની સીમમાં જુગારની રેડ કરી હતી જ્યાં ઝાડની નીચે જાહેરમાં જુગાર રમતા અગીયાર પૈકીના નવને સ્થળ ઉપરથી પકડી પાડવામાં આવ્યા હતા જયારે તકનો લાભ લઈને કિશોર રૂગનાથ જીવાણી હાલ રહે મોરબી મૂળ રહે.ખાનપર અને ઇબ્રાહીમ ઉર્ફે ઇભુ ગુલાબ ચૌહાણ રહે.નેસડા(ટંકારા) નાસી છૂટયા હતા જે બંનેને મોરબી તાલુકા પોલીસ સ્ટાફે પકડી પાડયા હોવાનું સુત્રોમાંથી જાણવા મળેલ છે.
મારામારીમાં ઇજા
મોરબીના સામાકાંઠે લાલબાગ સેવાસદનની પાછળ રોટરી નગર ૯૭ નંબરમાં રહેતા વિજય બાબુભાઇ કુંઢીયા જાતે કોળી નામના ૪૫ વર્ષીય યુવાનને લાલબાગ સેવાસદનમાં મારામારીના બનાવમાં ઇજાઓ થતાં તેને સારવાર માટે સિવિલે ખસેડાયો હતો.જ્યારે મોરબીના નાનાભેલા ગામના રહેવાસી દુર્લભજીભાઈ જસમતભાઈ કાવર નામના ૫૬ વર્ષીય આધેડ મોરબીના જુના બસ સ્ટેશન પાસેથી પસાર થતા હતા ત્યારે અજાણ્યા એક્ટીવાના ચાલકે તેમને હડફેટે લેતા ઇજાગ્રસ્ત થયેલા દુર્લભજીભાઈ કાવરને પણ સારવાર માટે અહીંની સિવિલ હોસ્પિટલે લાવવામાં આવ્યા હતા.
