મોરબીમાં આરટીઓ નજીક પુલ પાસે ટ્રક ડમ્પરના ચાલકે બાઇકને હડફેટે લેતા યુવાનનું મોત
Morbi Today
ટંકારાના સરાયા ગામ પાસે ડબલ સવારી બાઇકને આઇસર ચાલકે હડફેટે લેતા એકનું મોત, એકને ઇજા
SHARE
JOIN OUR GROUP
ટંકારાના સરાયા ગામ પાસે ડબલ સવારી બાઇકને આઇસર ચાલકે હડફેટે લેતા એકનું મોત, એકને ઇજા
ટંકારા લતીપર રોડ ઉપર સરાયા ગામ પાસે રહેણાંક મકાન નજીક ડબલ સવારી બાઇકને આઇસરના ચાલકે અડફેટે લીધું હતું જેથી કરીને એક વ્યક્તિને ગંભીર ઈજા થવાથી તેનું ઘટના સ્થળે જ મોત નીપજ્યું હતું અને ફરિયાદીને ઇજા થવાથી તેને સારવારમાં ખસેડવામાં આવેલ હતો અને અકસ્માતના આ બનાવની સર્જીને આઈસર ચાલક પોતાનું વાહન લઇને ત્યાંથી નાસી છૂટ્યો હતો જેથી ટંકારા તાલુકા પોલીસ સ્ટેશન ખાતે અજાણ્યા આઇસર વાહનના ચાલક સામે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
બનાવની જાણવા મળતી વિગત પ્રમાણે ટંકારા તાલુકાના સરાયા ગામે રહેતા આદમભાઈ જૂસબભાઈ વિકીયા જાતે સંધિ (ઉંમર ૫૪) એ અજાણ્યા આઇસર વાહનના ચાલક સામે ફરિયાદ નોંધાવી છે જેમાં તેણે જણાવ્યું છે કે આ ટંકારાથી લતીપર તરફ જતા રસ્તા ઉપર સરાયા ગામ પાસે તેઓના રહેણાંકની બાજુમાં તેઓ અને ચંદુભાઈ જીવણભાઈ પાલરીયા રહે. હરબટીયાળી વાળા હીરો હોન્ડા સ્પ્લેન્ડર નંબર જીજે ૩ એચએફ ૩૩૮૫ લઈને જતા હતા ત્યારે તેઓના બાઇકને આઇસર વાહનના ચાલકે પાછળથી અડફેટે લીધું હતું જેથી તેને અને ચંદુભાઈને ઈજાઓ થઈ હતી ત્યારે ચંદુભાઈ પાલરીયાને માથામાં ગંભીર ઈજા થઈ હોવાથી તેનું મોત નીપજ્યું છે જો ફરિયાદીને પગમાં ઈજા થઈ હોવાથી સારવારમાં ખસેડવામાં આવ્યા હતા અને આ બનાવમાં ભોગ બનેલા આધેડની ફરિયાદ લઈને પોલીસે અજાણ્યા આઇસર વાહનના ચાલક સામે ગુનો નોંધી તેને પકડવા માટે તજવીજ શરૂ કરી છે
