હળવદના સુખપર કેનાલમાં ડૂબી જવાથી કવાડીયા ગામના યુવાનનું મોત
SHARE
JOIN OUR GROUP
હળવદના સુખપર કેનાલમાં ડૂબી જવાથી કવાડીયા ગામના યુવાનનું મોત
હળવદના સુખપર (શક્તિનગર) ગામ પાસેથી પસાર થતી કેનાલમાં ડૂબી જવાના કારણે યુવાનનું મોત નીપજયું હતું જેથી તેની લાશને પાણીમાંથી બહાર કાઢીને પી.એમ. માટે હળવદની સરકારી હોસ્પિટલ ખાતે ખસેડવામાં આવી હતી અને અકસ્માતના આ બનાવની હળવદ તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી
જાણવા મળતી વિગત પ્રમાણે હળવદ તાલુકાના કવાડીયા ગામે રહેતો સુરેશભાઈ ધારૂભાઈ સિહોર જાતે કોળી (ઉંમર ૨૮) નામનો યુવાન હળવદના સુખપર (શક્તિનગર) ગામ પાસેથી પસાર થતી કેનાલમાં અકસ્માતે ગઈકાલે બપોરના બારેક વાગ્યાના સમયે પહેલા પડી ગયો હતો જેથી કરીને પાણીમાં ડૂબી જવાના કારણે સુરેશભાઈ શિહોરાનું મોત નીપજયું હતું જેથી તેને બોડીને કેનાલના પાણીમાંથી બહાર કાઢીને પી.એમ. માટે હળવદની સરકારી હોસ્પિટલ ખાતે ખસેડવામાં આવી હતી અને અકસ્માત મૃત્યુના બનાવની હળવદ તાલુકા પોલીસને જાણ કરવામાં આવતા પોલીસે આગળની રાબેતા મુજબની કાર્યવાહી કરેલ છે
બે બોટલ દારૂ
મોરબીના લાતી પ્લોટ શેરી નંબર-૮ માં લૂક્સ ફર્નિચર સામેની શેરીમાંથી પસાર થતા શખ્સને રોકીને પોલીસે ચેક કરતા તેની પાસેથી દારૂની બોટલો મળી આવી હતી જેથી પોલીસે ૩૧૪૦ રૂપિયાની કિંમતનો દારૃ કબજે કરીને બળદેવસિંહ ગંભીરસિંહ જાડેજા (ઉંમર ૩૬) રહે. હાલ વાવડી રોડ મારુતિ નગર શેરી નંબર-૧ મોરબી મૂળ રહે. તારાણા મોરાણા તાલુકો જોડીયા વાળાની ધરપકડ કરેલ છે અને તેની પાસે દારૂની બોટલો ક્યાંથી આવી હતી તે દિશામાં તપાસ શરૂ કરવામાં આવી છે
