મોરબીના સિરામિક ઉદ્યોગમાં દૈનિક જેટલા ગેસની જરૂરિયાત છે તેટલો ગેસ સપ્લાઈ કરવામાં આવે તો ગેસના ભાવમાં વધારો કરવો પડે તેમ છે જેથી કરીને ગેસની સપ્લાઈમાં માર્ચ મહિનાથી ૨૦ ટકા કાપ મૂકવામાં હતો તે કાપને આગામી એપ્રિલ માહિનામાં પણ યથાવત રાખવામા આવશે તેની ગેસ કંપની દ્વારા કારખાનેદારોને જાણ કરી દેવામાં આવી છે. 

ગત માર્ચ મહિનાથી મોરબીના સિરામિક ઉદ્યોગમાં વપરાતા કોલગેસ પ્લાન્ટને બંધ કરી દેવામાં આવ્યા છે જેથી સિરામિક ઉદ્યોગકારોની પાસે ટાઈલ્સના ઉત્પાદન માટે નેચરલ ગેસ સિવાય બીજો કોઈ વિકલ્પ નથી તે હક્કિત છે ત્યારે ગુજરાત ગેસ કંપની દ્વારા દરેક કારખાનામાં હાલમાં જેટલો ગેસ ઉપાડવામાં આવે છે તેમાં ૨૦ ટકા સુધીનો કાપ છેલ્લા એક મહિનાથી મુકવામાં આવેલ છે જો કે, આ મહિને પણ ગેસની ૧૦૦ ટકા સપ્લાઈ કરવામાં આવે તો ગેસના ભાવમાં વધારો થાય તેમ છે જેથી કરીને ગુજરાત ગેસ કંપની દ્વારા અહીના ઉદ્યોગકારો પાસેથી તેના ગેસ ગેસ વપરાશની માહિતી માંગવામાં આવી હતી અને જો તે મુજબ ગેસ આપવામાં આવે તો ગેસના ભાવમાં વધારો થાય તેમ છે જેથી કરીને આગામી એપ્રિલ માહિનામાં પણ ગેસની સપ્લાઈમાં ૨૦ ટકા કાપને યથાવત રાખવામા આવેલ છે અને તેની ગેસ કંપની દ્વારા કારખાનેદારોને જાણ કરી દેવામાં આવી છે એટ્લે હાલમાં ગેસના ભાવમાં કોઈ વધારો કરવામાં આવશે નહીં પરંતુ સપ્લાઈમાં ૨૦ ટકા કાપને યથાવત રાખવામા આવેલ છે.