મોરબીના નાગડાવાસ ગામે બે રેડમાં ૨૨૧ બોટલ દારૂ સાથે એક પકડાયો: એકની શોધખોળ

મોરબી તાલુકા પોલીસને મળેલ બાતમી આધારે જૂના નાગડાવાસ ગામેથી અલગ અલગ બે રેડ કરવામાં આવી હતી ત્યારે સ્થળ ઉપરથી ૨૨૧ બોટલ દારૂ સાથે એકની ધરપકડ કરેલ છે અને એક આરોપીને પકડવા માટે તજવીજ ચાલી રહી છે

મોરબી તાલુકાના જુના નાગડાવાસ ગામે દેવાયતભાઇ ઉર્ફે ભાનુભાઇ મુળુભાઇ ઉર્ફે બચુભાઇ ખાંભરાના રહેણાંક મકાનમાંથી ભારતીય બનાવટની ઇગ્લીશદારૂની જુદીજુદી બ્રાન્ડની ૧૫૩ બોટલ જેની કિંમત ૬૫,૦૮૦ સાથે આરોપી દેવાયતભાઇ ખાંભરાને પકડીને તેના વિરૂદ્ધ પ્રોહીબીશન એકટ હેઠળ ગુન્હો દાખલ કરીને આગળની કાર્યવાહી હાથ ધરેલ છે. તેમજ ગગુભાઇ સુખાભાઇ બરારીયાના કબ્જા ભોગવટાના વાડામાંથી ભારતીય બનાવટની ઇગ્લીશદારૂની જુદીજુદી બ્રાન્ડની ૬૮ બોટલ જેની કિંમત ૩૫,૪૫૦ નો મુદામાલ કબ્જે કરી ગગુભાઇ બરારીયા હાજર નહીં મળી આવતા તેના વિરૂદ્ધ પ્રોહીબીશન એકટ હેઠળ ગુન્હો દાખલ કરીને આગળની કાર્યવાહી હાથ ધરેલ છે