હળવદના ફ્રેન્ડ્સ યુવા સેવા ગ્રુપ દ્વારા રાહત દરે ચોપડા વિતરણ
Morbi Today
મોરબીની સર્વોદય એજયુકેશન સોસાયટી સંચાલિત ત્રણ કોલેજમાં યોગદિવસની ઉજવણી-બ્લડ ડોનેશન કેમ્ય યોજાયો
SHARE
JOIN OUR GROUP
મોરબીની સર્વોદય એજયુકેશન સોસાયટી સંચાલિત ત્રણ કોલેજમાં યોગદિવસની ઉજવણી-બ્લડ ડોનેશન કેમ્ય યોજાયો
મોરબીની સર્વોદય એજયુકેશન સોસાયટી સંચાલિત શ્રી યુ. એન. મહેતા આર્ટ્સ કોલેજ, શ્રી એમ. એમ. સાયન્સ કોલેજ તથા શ્રીમતી જી. જે. શેઠ કોમર્સ કોલેજના પ્રાંગણમાં સંયુક્તરૂપે યોગ દિવસની ઉજવણી કરવામાં આવેલ. આંતરરાષ્ટ્રીય યોગ દિવસના આ કાર્યક્રમમાં સર્વોદય એજયુકેશન સોસાયટીના માનાર્હ મંત્રી રજનીભાઇ મહેતા, ટ્રસ્ટી દેવાંગભાઈ દોશી તથા અતિથિ વિશેષ સ્થાને મોરબી સિવિલ હોસ્પિટલના ડો.સોમ્યા મિશ્રા ઉપસ્થિત રહેલ.કાર્યક્રમમાં પ્રો. કે. આર. દંગી, પ્રો.એચ. સી. માંડવિયા, અધ્યાપક ગણ, બિનશૈક્ષણિક કર્મચારી ગણ, એન. સી. સી. કેડેટ, એન. એસ .એસ. સ્વયં સેવકો તથા ત્રણેય કોલેજના વિદ્યાર્થીઓ સામેલ રહ્યા હતા.
કાર્યક્રમના પ્રથમ ચરણમાં સરળ સ્વરૂપના પરંતુ ઉપયોગી એવા વિવિધ આસનો અને વિવિધ કસરત દ્વારા યોગ કરવામાં આવેલ.અંજલી હળવદિયા, જયદીપ ડાંગર તથા વિશાલ જાદવ દ્વારા યોગનું આ સેશન ચલાવવામાં આવેલ. ઉપસ્થિત મહાનુભાવોએ યોગના મહત્વ અંગે પ્રસંગોચિત ઉદ્બોધન કરેલ. કાર્યક્રમનું સમગ્ર આયોજન કૅપ્ટન ડૉ..બી.એમ.શર્માના નેતૃત્વ હેઠળ એનસીસી યુનિટ દ્વારા કરવામાં આવેલ. જેમાં એનએસએસ વિભાગ સામેલ થયેલ. કાર્યક્રમનું સંચાલન એનએસએસ યુનિટના પ્રોગ્રામ ઓફિસર ડો.રામ વારોતરીયા દ્વારા કરવામાં આવે છે. આભાર વિધિ પ્રો. માંડવીયા દ્વારા કરવામાં આવેલ.
બીજા ચરણમાં બ્લડ ડોનેશન કેમ્પનું આયોજન કરવામાં આવેલ. જેમાં "આર્યભટ્ટ" લોક વિજ્ઞાન કેન્દ્ર, મોરબીના ઇન્ચાર્જ દીપેન ભટ્ટ, મોરબી સિવિલ હોસ્પિટલ સ્ટાફ, આર્મી ઈમરજન્સી બ્લડ ગૃપના જગદીશ વણોલ, સુખવિન્દર અને તેમની ટીમે સુચારુ વ્યવસ્થા ગોઠવેલ. સૌ પ્રથમ ડૉ.શર્મા, ડૉ.વારોતરીયા તથા દીપેન ભટ્ટ દ્વારા બ્લડ ડોનેટ કરવામાં આવેલ.ત્યાર બાદ એનસીસી કેડેટસ, એનએસએસના.સ્વયંસેવકો, સ્ટાફ તથા વિદ્યાર્થીઓ દ્વારા બ્લડ ડોનેટ કરી કુલ ૨૭ બોટલ બ્લડનું દાન કરવામાં આવ્યુ હતુ.
