મોરબી શહેરમાં અંઘકાર દૂર નહીં થાય તો લોકોને સાથે રાખીને આંદોલન: મહેશ રાજ્યગુરૂ
Morbi Today
રાજકોટ નાગરિક સહકારી બેન્કની મોરબી શાખામાં કૌભાડ: ગ્રાહકોની એફડીના નાણાંનો અગંત ઉપયોગ કરનારા બે કર્મચારી સસ્પેન્ડ
SHARE
JOIN OUR GROUP
રાજકોટ નાગરિક સહકારી બેન્કની મોરબી શાખામાં કૌભાડ: ગ્રાહકોની એફડીના નાણાંનો અગંત ઉપયોગ કરનારા બે કર્મચારી સસ્પેન્ડ
સામાન્ય રીતે લોકો પોતાના નાણાંની સલામતી માટે થઈને બેંકમાં એફડી (ફિક્સ ડિપોઝિટ) કરાવતા હોય છે અને એફડીની રકમ જ્યારે પાકે ત્યારે તે લોકોને મોટી રકમ મળે તેવી અપેક્ષા રાખતા હોય છે પરંતુ મોરબીમાં આવેલ રાજકોટ નાગરિક સહકારી બેન્કની અંદર આવનારા કેટલાક ગ્રાહકો સાથે છેતરપિંડી થયેલ છે અને તેમની એફડીની રકમની કોમ્પ્યુટરમાં જમા એન્ટ્રી કરવામાં આવેલ નથી અને પોતાના અંગત સ્વાર્થ માટે બે કર્મચારીઓ દ્વારા ઉપયોગ કરવામાં આવ્યો છે જેથી કરીને હાલમાં બે કર્મચારીઓને બેંકમાંથી તાત્કાલિક ધોરણે સસ્પેન્ડ કરી દેવામાં આવ્યા છે અને હાલમાં બેન્કના લીગલ અને ઓડિટ વિભગા દ્વારા તપાસ કરવામાં આવી રહી છે જો કે, ખરેખર કેટલા ગ્રાહકોની સાથે આ પ્રકારે આ બંને કર્મચારી દ્વારા છેતરપિંડી કરવામાં આવી છે અને કેટલા રૂપિયાની છેતરપિંડી કે ગોટાળો થયો છે તેની હાલમાં બેંક દ્વારા તપાસ કરવામાં આવી રહી છે જો આ અંગે હજુ સુધી પોલીસ ચોપડે કોઈ ફરીયાદ નોંધાયેલ નથી
ઘણા લોકો પોતાની બચત રકમમાંથી એફડી કરાવતા હોય છે અને ઘણા લોકો પોતાની મરણ મુળીને બેંકમાં એફડીના સ્વરૂપે મૂકતા હોય છે જોકે એફડી કરાવનાર ગ્રાહકની સાથે જ્યારે છેતરપિંડી કરવામાં આવે છે ત્યારે તેની ઉપર આભ ફાટી પડતુ હોય છે તેમાં શંકાને કોઈ સ્થાન નથી આવી ઘટના મોરબીની અંદર પણ બનેલ છે જેમાં મોરબીના રવાપર રોડ ઉપર આવેલ રાજકોટ નાગરિક સહકારી બેન્કમાં એફડી કરવા માટે નાણાં મૂક્યા હતા જોકે બેંકના જવાબદારો બે કર્મચારીઓ દ્વારા ગ્રાહકોની જે રકમ હતી તે બેન્કની અંદર એફડીના સ્વરૂપમાં જમા લઈને કમ્પ્યુટરમાં એન્ટ્રી કરવાના બદલે પોતે પોતાના અંગત સ્વાર્થ માટે તે નાણાં ઉપયોગમાં લીધા હતા અને એફડી કરાવી ન હતી અને આ રીતે એફડીની અંદર ગોટાળા કરવામાં આવ્યા હતા જે અંગેની જાણ ગ્રાહકને થતાં તેને બેન્કનો સંપર્ક કર્યો હતો અને બેંકના ધ્યાન ઉપર આ સમગ્ર કૌભાંડ આવતાની સાથે જ તાત્કાલિક ધોરણે રાજકોટ નાગરિક સહકારી બેન્કના એક કાયમી અને એક હંગામી આમ કુલ મળીને બે કર્મચારીને સસ્પેન્ડ કરવામાં આવ્યા છે અને બેંક દ્વારા હાલમાં આ અંગેની આગળની તપાસ શરૂ કરવામાં આવી હોવાનું સૂત્રો પાસેથી જાણવા મળી રહ્યું છે
હાલમાં જે માહિતી મળી રહી છે તે મુજબ મોરબીની રાજકોટ નાગરિક સહકારી બેંકના એક કાયમી અને હંગામી કર્મચારી દ્વારા બેન્કની અંદર એફડી કરાવનારા ગ્રાહકોની સાથે છેતરપિંડી કરવામાં આવી છે અને તેમને મૂકેલી એફડીની રકમની ગોલમાલ કરીને તેઓએ આ રકમનો અંગત ઉપયોગ કરેલ છે જોકે કેટલી એફડીમાં ગોટાળા કરેલ છે અને કેટલા રૂપિયાની ગોલમાલ આ બન્ને કર્મચારીઓ દ્વારા કરવામાં આવી છે તે અંગે હજુ કોઇ સ્પષ્ટ માહિતી સામે આવી રહી નથી જોકે સૂત્રો પાસેથી મળતી માહિતી મુજબ આ બંને કર્મચારીઓને સસ્પેન્ડ કરીને હાલમાં બેંકના લીગલ વિભાગ અને ઓડિટ વિભાગ દ્વારા તપાસ કરવામાં આવી રહી છે કે જે કર્મચારીઓ દ્વારા બેંકમાં આવેલ એફડીનો ઉપયોગ કરીને ગોટાળા કરેલા છે અને બેંકના ગ્રાહકોની સાથે છેતરપિંડી કરવામાં આવી છે તે બંને શખ્સો દ્વારા કુલ મળીને કેટલી રકમનો ઉપયોગ પોતાના અંગત સ્વાર્થ માટે કરેલા છે તે અંગેની તપાસ ચાલી રહી છે અને આ તપાસના અંતે આગળની કાર્યવાહી તેઓની સામે કરવામાં આવશે તેવું પણ જાણવા મળી રહ્યું છે
બીન આધારભૂત સૂત્રો પાસેથી જાણવા મળતી વિગતો પ્રમાણે રાજકોટ નાગરિક સહકારી બેન્કના જે બે કર્મચારીઓને સસ્પેન્ડ કરવામાં આવ્યા છે તેમના દ્વારા બેન્કની અંદર રૂપિયા જમા કરાવનારા ગ્રાહકોના નાણાંની એફડી કરવાના બદલે તે રૂપિયા અંગત ઉપયોગમાં લઈને લાખો રૂપિયાનો ગોટાળો કરવામાં આવ્યો છે જો કે તપાસના અંતે કેટલી રકમ દર્શાવવામાં આવે છે તે સૌથી મોટો પ્રશ્ન છે કારણકે હાલમાં બેન્કના ઘણા ગ્રાહકો કહી રહ્યા છે કે, તેમની સાથે છેતરપિંડી થયેલ છે જોકે બેંકના વર્તુળોએ જણાવ્યું હતું કે હાલમાં આ અંગે ચોક્કસ કહી શકાય કે કેટલી રકમ છે જોકે આ મુદ્દે હાલમાં બેંકના લીગલ અને ઓડિટ વિભાગ દ્વારા જે બે કર્મચારીને સસ્પેન્ડ કરવામાં આવ્યા છે તે બંને જે કામ કરતાં હતા તેની તપાસ કરવામાં આવી રહી છે અને તપાસના અંતે જે કંઈ હકીકત સામે આવશે તેના આધારે સંપૂર્ણ આગળની કાર્યવાહી કરવામાં આવશે અત્રે ઉલ્લેખનીય બાબત એ છે કે રાજકોટ નાગરિક સહકારી બેન્કના ગ્રાહકો સાથે છેતરપિંડી કરીને બેંકમાં ગોટાળા કર્યા હોવા છતાં પણ જે બે કર્મચારીઓને હાલમાં સસ્પેન્ડ કરવામાં આવ્યા છે તેની સામે બેંકના સત્તાવાળાઓ દ્વારા હજુ સુધી પોલીસ સ્ટેશનમાં કોઈ પણ પ્રકારની ફરિયાદ નોંધાવવામાં આવી નથી
“મોરબી ટુડે” માં પ્રસિદ્ધ થતા સમાચાર વધુમાં વધુ વાંચકો સુધી પહોચે તેવા અમારા પ્રયાસો છે અને અમારા સમાચારની વિશ્વાસનીયતા વધુ હોવાથી જાણીતી વેબ પોર્ટલો તેમાંથી સમાચાર લઈને તેના વાંચકોને પીરસે છે જે મોરબીના હિતમાં છે “બી- પોઝીટીવ”
