મોરબીમાં સિરામિક રોમટિરિયલ્સના ધંધાર્થી યુવાનને માર મારનારા બે વ્યાજખોરોની ધરપકડ
Morbi Today
માળીયા (મી)ની પીપળીયા ચોકડી પાસે ડ્રાઇવર લાશ મળવાના બનાવમાં હત્યાનો ગુનો નોંધાયો
SHARE
JOIN OUR GROUP
માળીયા (મી)ની પીપળીયા ચોકડી પાસે ડ્રાઇવર લાશ મળવાના બનાવમાં હત્યાનો ગુનો નોંધાયો
માળીયા (મી)ની પીપળીયા ચોકડી પાસે ઉભેલા બંધ ટ્રકમાંથી ડ્રાઇવરનો શંકાસ્પદ હાલતમાં મૃતદેહ મળી આવ્યો હતો. અને તેના મોઢા અને માથામાંથી લોહી નિકળ્યું હોવાથી પોલીસે મૃતકના મૃતદેહને પીએમ માટે માળીયા સરકારી હોસ્પિટલે ખસેડયો છે અને મૃતક વ્યક્તિના ભાઈએ હાલમાં માળીયા તાલુકા પોલીસ સ્ટેશન ખાતે એક શકદારની સામે ફરિયાદ નોંધાવતાં પોલીસે હત્યાની કલમ હેઠળ ગુનો નોંધીને તેને પકડવા માટે ચક્રોગતિમાન કરેલ છે
જાણવા મળતી વિગત મુજબ માળીયા (મી)ની પીપળીયા ચોકડી પાસે ટાટા શોરૂમની પાસે જીજે ૧૨ એયું ૫૩૮૨ ટ્રક બંધ પડ્યો હતો અને બંધ ટ્રકમાં એક વ્યક્તિ લાંબા સમયથી સુતો હોય તેવું દેખાતું હતું જેથી કરીને આસપાસના લોકોએ ૧૦૮ ને બોલાવી હતી ત્યારે ૧૦૮ ની ટીમને રસુલભાઈ પાયલોટ સહિતનો સ્ટાફ ઘટના સ્થળે આવ્યો હતો અને ટ્રકમાં સૂતેલા ડ્રાઈવરને મોઢા અને માથામાંથી લોહી નિકળ્યું હતું જેથી કરીને માળીયા પોલીસને બનાવની જાણ કરવામાં આવી હતી જેથી પીએસઆઈ સહિતનો સ્ટાફ ઘટના સ્થળે પહોચ્યો હતો અને મૃતક યુવાનના મૃતદેહને પીએમ માટે માળીયાની સરકારી હોસ્પિટલે લઈ જવામાં આવેલ હતો હાલમાં આ બનાવમાં મૃતક લહેરાજી ચમનજી બલોધણા જાતે ઠાકોર (૩૫) રહે. ભાભર વાળાના ભાઈ હિરાજી ચમનજી બલોધણા જાતે ઠાકોર (૫૩) રહે. અસાણા તાલુકો ભાભર વાળાએ માળીયા તાલુકા પોલીસ સ્ટેશન ખાતે શકદાર દિનેશભાઇ વરસંગભાઇ રજપુત રહે. બેણપ તાલુકો સુઇગામ જીલ્લો બનાસકાંઠા વાળાની સામે ફરિયાદ નોંધાવતાં પોલીસે હત્યાનો ગુનો નોંધીને આરોપીને પકડવા માટે તજવીજ શરૂ કરેલ છે અને આ ગુનાની તપાસ માળીયાના પીએસઆઈ બી.ડી. જાડેજાએ અને તેની ટીમ કરી રહી છે
