હળવદમાં ડબલ સવારી બાઈક ડિવાઈડર સાથે અથડાતાં નીચે પડેલા યુવાન ઉપર ટ્રક ફરી જતાં મોત
Morbi Today
મોરબી સેંટમેરી સ્કુલ પાસેના ફાટકે ૬૩.૮૫ કરોડના ખર્ચ રેલ્વે ઓવરબ્રીજ મંજુર: બ્રિજેશ મેરજા
SHARE
JOIN OUR GROUP
મોરબી સેંટમેરી સ્કુલ પાસેના ફાટકે ૬૩.૮૫ કરોડના ખર્ચ રેલ્વે ઓવરબ્રીજ મંજુર: બ્રિજેશ મેરજા
મોરબી નગરપાલિકા અને સ્ટેટ હાઈવે વિસ્તારમાં આવતા રેલ્વે સ્ટેશનની નજીક સેંટ મેરી ફાટક તરીકે ઓળખાતા નવલખી તરફ જતા રસ્તામાં શહેરના રસ્તા ઉપર સતત ટ્રાફિક રહેતો હતો અને વારંવાર આ સેંટમેરી ફાટક રેલ્વે ટ્રાફિકના અવર જવરને કારણે બંધ કરવુ પડતુ હતું. આ સમસ્યા અંગે નગરપાલિકાના હોદ્દેદારોએ અને શહેર સંગઠને મોરબીના ધારાસભ્ય અને રાજ્યના મંત્રી બ્રિજેશ મેરજા સમક્ષ રજૂઆતો કરેલી હતી
જે અન્વયે મંત્રીએ ગુજરાત અર્બન ડેવલપમેન્ટ મિશનમાં નગરપાલિકા દ્વારા જરૂરી દરખાસ્ત કરાવેલી અને વડોદરાની એજન્સી દ્વારા તેનો ફિઝીબીલીટી રિપોર્ટ સત્વરે બને એવું ફોલોઅપ કરાવેલ છે આમ સતત આ કામને પરિણામ લક્ષી બનાવવા કરવામાં આવેલી મહેનત લેખે લાગી છે અને પરિણામે સેંટમેરી પાસેના નવલખી તરફ જતા રસ્તામાં રેલ્વે સ્ટેશન નજીક આવેલ ફાટક એલસી ૩૪બી ઉપર રૂપિયા ૬૩.૮૫ કરોડના ખર્ચે રેલ્વે ઓવરબ્રિજ ટુ લેન્ડને શહેરી વિકાસ ખાતું સંભાળતા ગુજરાત રાજ્યના મુખ્યમંત્રી ભુપેન્દ્રભાઈ પટેલે મંજૂરી આપેલ છે.
તે બદલ રાજ્ય કક્ષાના મંત્રી બ્રિજેશ મેરજાએ મોરબીના નાગરિકો, નગરપાલિકા અને સંગઠન વતી મુખ્યમંત્રીનો આભાર માન્યો છે. મોરબી નગરપાલિકાના પ્રમુખ કુસુમબેન પરમાર, ઉપપ્રમુખ જયરાજસિંહ જાડેજા, કારોબારીના ચેરમેન સુરેશભાઈ દેસાઈ, શહેર ભાજપના પ્રમુખ લાખાભાઈ જારીયા અને તમામ મહામંત્રીઓએ મોરબીના ધારાસભ્ય બ્રિજેશ મેરજા દ્વારા મોરબી શહેરની પ્રજાની આ ફાટક બંધ રહેતું હોવાથી થતી મુશ્કેલીઓ નિવારવા તાત્કાલિક રેલવે ઓવરબ્રિજ મંજૂર કરાવલે છે તે બદલ ખાસ આભાર વ્યકત કરેલ છે
