મોરબી જીલ્લાના શિવ મંદિરોમાં કાલથી પૂજન અર્ચન અને દર્શન માટે શિવ ભક્તો ઉમટશે
Morbi Today
મોરબીના લાલપર ગામ પાસે નવી બનેલ સોસાયટીમાંથી બાઈકની ચોરી
SHARE
JOIN OUR GROUP
મોરબીના લાલપર ગામ પાસે નવી બનેલ સોસાયટીમાંથી બાઈકની ચોરી
મોરબી નજીકના લાલપર ગામ પાસે આવેલ સરદાર પટેલ સ્ટેડિયમ પાસે નવી બનેલી સોસાયટીમાં રહેતા યુવાને પોતાના ઘર પાસે તેનું બાઈક પાર્ક કરીને મૂક્યું હતું જે બાઈકને કોઈ અજાણ્યો શખ્સ ચોરી કરી ગયેલ છે જેથી કરીને યુવાન દ્વારા પોતાના બાઇકને શોધવા માટે પ્રયત્ન કરવામાં આવ્યા હતા પરંતુ બાઈક મળ્યું ન હોવાથી હાલમાં તેણે મોરબી તાલુકા પોલીસ સ્ટેશન ખાતે બાઈક ચોરીની ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે.
જાણવા મળતી વિગત પ્રમાણે મોરબી તાલુકાના લાલપર ગામે આવેલ તાલુકા શાળા પાછળ સરદાર પટેલ સ્ટેડિયમ પાસે આવેલ નવી સોસાયટીમાં રહેતા મયુરભાઈ પોપટભાઈ માવદીયા જાતે પ્રજાપતિ (ઉમર ૩૪) એ ગત તા.૯-૬ ના રોજ સાંજના સાત વાગ્યાથી લઈને ૧૧-૬ ના બપોરના ત્રણ વાગ્યા સુધી પોતાના ઘર પાસે તેનું બાઈક નંબર જીજે ૨૫ એન ૪૯૧ પાર્ક કરીને મૂક્યું હતું જે બાઈકને કોઈ અજાણ્યો શખ્સ ચોરી કરી ગયેલ છે જેથી કરીને ૨૫,૦૦૦ રૂપિયાની કિંમતનું બાઈક ચોરી થયું હોય યુવાને પોતાની રીતે શોધખોળ કરી હતી પરંતુ બાઈકનો કોઈ જગ્યાએથી પત્તો નહીં લાગતા હાલમાં ભોગ બનેલા યુવાન દ્વારા મોરબી તાલુકા પોલીસ સ્ટેશન ખાતે બાઇક ચોરીની ફરિયાદ નોંધવામાં આવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.
મારામારીમાં ઈજા થતા સારવારમાં
મોરબીના નવલખી રોડ ઉપર આવેલા રણછોનગર વિસ્તારમાં રહેતા મુમતાઝબેન અબુભાઈ કટિયા નામની ૨૬ વર્ષીય મહિલાને રણછોડનગર વિસ્તારમાં આવેલ સીટીઝન કારખાના પાસે મારામારીના બનાવમાં ઇજાઓ પહોંચી હતી જેથી કરીને તેણીને સિવિલ હોસ્પિટલે સારવાર માટે લાવવામાં આવી હતી.બનાવની જાણ થતા એએસઆઈ વી.ડી.મેતા દ્વારા આ અંગે નોંધ કરીને આગળની તપાસ હાથ ધરવામાં આવી છે.જ્યારે મોરબીના સામાકાંઠે ભડીયાદ રોડ ઉપર આવેલી જવાહર સોસાયટીમાં રહેતા કૌશિક રમેશભાઈ સોલંકી નામના ૨૮ વર્ષના યુવાને તેના ઘેર કોઈ કારણોસર ફીનાઇલ પી લેતા તેને પણ સારવાર માટે ખસેડવામાં આવ્યો હતો.બનાવને પગલે સીટી બી ડિવિઝન પોલીસ મથકના જે.જે.ડાંગર દ્વારા બનાવના કારણ અંગે આગળની તપાસ શરૂ કરવામાં આવેલ છે.
