મોરબીમાં રાજ્યમંત્રી બ્રિજેશભાઈ મેરજાના અધ્યક્ષસ્થાને હર ઘર તિરંગા માટે સમીક્ષા બેઠક યોજાઇ
Morbi Today
વાંકાનેર શહેરમાં મકાનમાંથી ૪૮ બોટલ દારૂ ઝડપાયો, બુટલેગરની શોધખોળ
SHARE
JOIN OUR GROUP
વાંકાનેર શહેરમાં મકાનમાંથી ૪૮ બોટલ દારૂ ઝડપાયો, બુટલેગરની શોધખોળ
વાંકાનેર શહેરમાં આવેલ મારુતિના શોરૂમની પાછળના ભાગમાં રહેતા શખ્સનાં ઘરની અંદર દારૂનો જથ્થો હોવાની બાતમી મળી હતી જેના આધારે સ્થાનિક પોલીસે ત્યાં દારૂની રેડ કરી હતી ત્યારે ઘરમાંથી દારૂની ૪૮ બોટલ મળી આવી હતી જેથી પોલીસે ૧૮૦૦૦ રૂપિયાની કિંમતનો દારૂનો જથ્થો કબજે કર્યો હતો જોકે, આરોપી ઘરે હાજર ન હોવાથી તેની સામે ગુનો નોંધીને તેને પકડવા માટે પોલીસે તજવીજ શરૂ કરેલ છે.
જાણવા મળતી વિગત પ્રમાણે વાંકાનેર શહેરમાં મારુતિના શોરૂમની પાછળના ભાગમાં રહેતા જુનેદભાઈ યાકુબભાઈ મિયાણાના ઘરની અંદર દારૂનો જથ્થો હોવાની બાતમી વાંકાનેર સીટી પોલીસને મળી હતી જેના આધારે પોલીસે જુનેદના ઘરમાં દારૂની રેડ કરી હતી ત્યારે તેના ઘરના ફળિયામાંથી ૪૮ બોટલ દારૂની મળી આવી હોય પોલીસે રૂા.૧૮,૦૦૦ ની કિંમતનો દારૂનો જથ્થો કબ્જે કર્યો હતો અને જુનેદ મિંયાણા ઘરે હાજર ન હોવાથી તેની સામે ગુનો નોંધીને તેને પકડવા માટે પોલીસ ચક્રોગતિમાન કરેલ છે.
સગીર સારવારમાં
મોરબી તાલુકા પોલીસના જણાવ્યા પ્રમાણે વાંકાનેર હાઇવે ઉપર રફાળેશ્વર ગામ પાસે આવેલ મોજીલ સીરામીક નામના યુનિટમાં ગઈકાલે સાડા આઠેક વાગ્યાના અરસામાં કામ દરમિયાન ભૂલથી એસીડીક લિકવીડ મોં માં જતા ગળા તથા છાતીના ભાગે બળતરા ઉપડતા વિજય પ્રભાતસિંહ નામના ૧૪ વર્ષીય સગીરવયના બાળકને અહીંની આયુષ હોસ્પિટલ ખાતે સારવારમાં ખસેડાયો હતો બનાવને પગલે જાણ થતા તાલુકા પોલીસ મથકના મણીભાઈ ગામેતી દ્વારા નોંધ કરીને આગળની તપાસ શરૂ કરવામાં આવી છે.અત્રે નોંધનીય છે કે મોરબી પંથકમાં ચાલતા કારખાનાઓ પૈકી અમુક યુનીટોમાં મુકાદમો નાની વયના બાળકો પાસે પણ કામકાજ કરાવતા હોય છે માટે સમયાંતરે ચેકિંગ થાય તે જરૂરી છે.
વાહન અકસ્માતમાં ઇજા
રાજકોટની બાબરીયા કોલોનીમાં ઘનશ્યામ નિવાસમાં રહેતા પ્રકાશ રામજીભાઈ પોરીયા નામનો યુવાન ગઈકાલ તા.૨ ના સાંજના આઠેક વાગ્યાના અરસામાં મોરબી તાલુકાના ધુળકોટ-આમરણ રોડ ઉપરથી બાઈક લઈને જતો હતો ત્યારે ધુળકોટ ગામે હાઇસ્કુલ નજીક તેનું બાઇક સ્લીપ થઈ જતા ઇજાઓ થવાથી તેને સારવાર માટે મોરબી ખસેડાયો હતો.બનાવને પગલે તાલુકા પોલીસ મથકના મહેશભાઈ કહાંગરા દ્વારા નોંધ કરીને આગળની તપાસ કરવામાં આવી રહી છે.
