માળીયા (મી)માં રેલવે કોલોની રોડે અજાણી કારના ચાલકે સૂતેલા બાળકને હડફેટે લેતા બાળકનું મોત
Morbi Today
વાંકાનેરના સરતાનપર રોડે કારખાનામાંથી વતનમાં જવાની બાબતે પતિ સાથે બોલાચાલી થતાં પરિણીતાએ કર્યો આપઘાત
SHARE
JOIN OUR GROUP
વાંકાનેરના સરતાનપર રોડે કારખાનામાંથી વતનમાં જવાની બાબતે પતિ સાથે બોલાચાલી થતાં પરિણીતાએ કર્યો આપઘાત
વાંકાનેર તાલુકાની હદમાં આવતા સરતાનપર રોડ ઉપર કારખાનાની લેબર કવાર્ટરમાં પરણીતાએ ગળાફાંસો ખાઈને આપઘાત કરી લીધો હતો જેથી કરીને મૃતક મહિલાના મૃતદેહને પીએમ માટે વાંકાનેરની સરકારી હોસ્પિટલ ખાતે લઈ જવામાં આવ્યો હતો અને આપઘાતના આ બનાવની વાંકાનેર તાલુકા પોલીસને જાણ કરવામાં આવતા પોલીસે બનાવી નોંધ કરી આગળની કાર્યવાહી હાથ ધરી હતી અને પોલીસ સૂત્રો પાસેથી જાણવા મળતી વિગત પ્રમાણે પતિ અને પત્ની વચ્ચે સામાન્ય બાબતે બોલાચાલી થઈ હતી જે બાબતને લઈને પરણીતાએ આપઘાત કર્યો હોવાનું હાલમાં પ્રાથમિક તપાસમાં સામે આવ્યું છે
બનાવની જાણવા મળતી માહિતી પ્રમાણે વાંકાનેર તાલુકાની હદમાં આવતા સરતાનપર રોડ ઉપર આવેલ સંસ્કાર ઝોન્સ સીરામીકના લેબર કવાર્ટરમાં રહેતા અને મજૂરી કામ કરતા રોહિતદાસ નારવેના પત્ની સુનિતાબેન નારવે (ઉંમર ૧૯) એ લેબર ક્વાર્ટરની અંદર ગળાફસો ખાઈને આપઘાત કરી લીધો હતો જેથી કરીને તેના મૃતદેહને વાંકાનેરની સરકારી હોસ્પિટલ ખાતે ખસેડવામાં આવ્યો હતો અને આપઘાતના આ બનાવની વાંકાનેર તાલુકા પોલીન્ને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી વધુમાં પોલીસ સૂત્રો પાસેથી જાણવા મળતી પ્રમાણે મૃતક પરણીતાએ ત્રણ વર્ષ પહેલા પ્રેમ લગ્ન કરેલ છે અને પતિ-પત્ની વચ્ચે વતનમાં જવા બાબતે બોલાચાલી થઈ હતી અને ત્યારબાદ પરણીતાને લાગી આવતા તેણે ગળાફાંસો ખાઈને આપઘાત કરી લીધો હોવાનું મૃતક મહિલાના પતિએ જણાવ્યુ છે
રિક્ષામાંથી પડી જતા ઇજા
મોરબીના માળિયા મીંયાણા તાલુકાના જુના ઘાંટીલા ગામે રહેતો અનિલ ગુલાબભાઈ ઉપાસરિયા નામનો ૩૨ વર્ષનો યુવાન જૂના ઘાંટીલા ગામે છકડો રિક્ષામાં જતો હતો ત્યાં તે રિક્ષામાંથી નીચે પડી જતા ઈજાગ્રસ્ત હાલતમાં તેને સારવાર માટે મોરબી લાવવામાં આવ્યો હતો જેથી કરીને એ ડિવિઝન પોલીસમાં મથકના વિપુલભાઈ ફુલતરીયા દ્વારા તપાસ કરીને બનાવ અંગે માળિયા પોલીસને જાણ કરવામાં આવી હતી.જ્યારે મોરબીના માળિયા મીંયાણા તાલુકાના ખાખરેચી ગામ પાસે બાઈક સ્લીપ થઈ જવાના અકસ્માત બનાવમાં મોરબીના સબજેલ ચોક સામેના વિસ્તારમાં રહેતા મનોજભાઇ પ્રેમજીભાઈ સોલંકી નામના ૪૧ વર્ષીય યુવાને ઇજાઓ થતા તેને સારવાર માટે મોરબી લાવવામાં આવ્યો હતો.
