મોરબીમાં હડતાલ પર ગયેલ વીસીઇને છુટા કરવા આદેશ

રાજ્યમાં વીસીઇ તેની પડતર માંગણીઓને લઈને આંદોલન કરી રહ્યા છે અને હડતાળ ઉપર  છે ત્યારે સરકારે તેની માંગણી સંતોષવાને બદલે તાત્કાલિક અસરથી છુટ્ટા કરવાનો આદેશ કરવામાં આવેલ છે જેથી કરીને વીસીઇ દ્વારા આગામી સમયમાં ઉગ્ર આંદોલન કરવામાં આવે તેવા સંકેત છે

ગ્રામ પંચાયતમાં વિવિધ કામગીરી માટે વીસીઇની વર્ષો પહેલા ભરતી કરવામાં આવી છે જો કે તેને નજીવા કમિશન આપવામાં આવે છે જેથી કરીને તેઓએ પગાર સહિતના પ્રશ્ન લઈને આંદોલન શરૂ કર્યું છે અને અચોક્કસ મુદતની હડતાલ ઉપર છે ત્યારે લોકોને હાલાકીનો સામનો કરવો પડે છે ત્યારે વીસીઇ ના પ્રશ્નોને ઉકેલવાને બદલે હવે ઉપરથી વીસીઇને છૂટા કરવાનો આદેશ કરવામાં આવ્યો છે. અને મોરબી તાલુકામાં હડતાલ પર ઉતરેલા ૪૨ જેટલા કર્મીઓને તાત્કાલિક અસરથી છૂટા કરીને તેમના સ્થાને નવા કર્મચારીઓની ભરતી કરવાનો આદેશ ટીડીઓએ કરેલ છે અને જો આ નિર્ણયને રદ કરવામાં નહીં આવે તો આગમી તા ૧૭ ઓક્ટોબરના રોજ ગાંધીચિંધ્યા માર્ગે ઉગ્ર આંદોલન કરવામાં આવશે તેવી ચીમકી વીસીઈએ ઉચ્ચારી હતી