મોરબીમાં દીકરીનો પીછો કરનારાને સમજાવવા ગયેલા પિતાને ચાર શખ્સોએ મારમાર્યો: જાનથી મારી નાખવાની ધમકી.
Morbi Today
મોરબીના ટિંબડી પાટીયા પાસે ટ્રકના સર્વિસ સેન્ટર પાસેથી પાંચ લાખના ટ્રકની ચોરી
SHARE
JOIN OUR GROUP
મોરબીના ટિંબડી પાટીયા પાસે ટ્રકના સર્વિસ સેન્ટર પાસેથી પાંચ લાખના ટ્રકની ચોરી.
મોરબી માળિયા હાઇવે ઉપર આવેલ ટિંબડી ગામના પાટીયા પાસે આવેલ ટ્રકના સર્વિસ સેન્ટર પાસે યુવાને પોતાનો ટ્રક પાર્ક કરીને મૂક્યો હતો જે ટ્રકને કોઈ અજાણ્યો શખ્સ ચોરી કરી ગયેલ છે જેથી કરીને પાંચ લાખ રૂપિયાની કિંમતના ટ્રકની ચોરી થઈ હોવા અંગેની ભોગ બનેલા યુવાને મોરબી સીટી બી ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે
બનાવની જાણવા મળતી માહિતી મુજબ મોરબી માળિયા હાઇવે ઉપર ટિંબડીના પાટિયા પાસે આવેલ મોમાઈ ટ્રક સર્વિસ સેન્ટરની બાજુમાં મોરબીના રવાપર રોડ ઉપર આવેલ હનુમાનજી મંદિરની પાછળ વૈભવ લક્ષ્મી સોસાયટીમાં રહેતા હિતેશભાઈ રામભાઈ આદ્રોજા જાતે પટેલ (૩૪)એ પોતાનો ટ્રક નંબર જીજે ૩ એઝેડ ૬૭૯૭ પાર્ક કરીને મૂક્યો હતો જે પાંચ લાખ રૂપિયાની કિંમતનો ટ્રક કોઈ અજાણ્યો શખ્સ ચોરી કરી ગયેલ છે જેથી ભોગ બનેલા હિતેશભાઈએ મોરબી બી ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને આરોપીને પકડવા માટે થઈને તજવીજ શરૂ કરેલ છે
ફિનાઇલ પીધું
મોરબીના જેલ રોડ ઉપર જેલની સામેના ભાગમાં આવેલ વિસ્તારમાં રહેતા શાંતિબેન વશરામભાઈ સાવરીયા (૬૦) એ પોતે પોતાની જાતે ફિનાઇલ પી લીધું હતું જેથી કરીને તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને આ બનાવની મોરબી એ ડિવિઝન પોલીસને જાણ કરતાં પોલીસે બનવાની નોંધ કરીને આગળની કાર્યવાહી હાથ ધરી છે
ફિનાઇલ પીધું
મોરબીમાં જેલ ચોક સામેના ભાગમાં આવેલ વિસ્તારમાં રહેતા નીતાબેન વિમલભાઈ મકવાણા (૨૬) પોતાના ઘરે હતા ત્યારે પોતાની જાતે ફીનાઇલ પી લેતા તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને આ બનાવની મોરબી સીટી એ ડિવિઝન પોલીસને જાણ કરવામાં આવી છે જેથી કરીને પોલીસે રાબેતા મુજબની કાર્યવાહી કરેલ છે
અકસ્માતમાં ઇજા
ટંકારા તાલુકાના જબલપુર ગામે રહેતો હિમાંશુ દિનેશભાઈ પરમાર (૧૪) નામના તરુણને બાઈક સ્લીપ થતા ઇજા થયેલ હતી જેથી કરીને તેને સારવાર માટે મોરબીની સનાળા રોડ ઉપર આવેલ ક્રિષ્ના હોસ્પિટલ ખાતે લઈને આવ્યા હતા અને આ બનાવની સ્થાનિક ટંકારા પોલીસને જાણ કરવામાં આવેલ છે
