સુરેન્દ્રનગર વિભાગના બજરંગ દળના સંયોજક તરીકે મોરબીના કમલભાઈ દવેની વરણી
Morbi Today
માળીયા (મી)ના સરવડ ગામે થયેલ ઘરફોડ ચોરીના ગુનામાં મુદામાલ સાથે બે ચોર પકડાયા
SHARE
JOIN OUR GROUP
માળીયા (મી)ના સરવડ ગામે થયેલ ઘરફોડ ચોરીના ગુનામાં મુદામાલ સાથે બે ચોર પકડાયા
માળીયા મિયાણા તાલુકાના સરવડ ગામે થોડા દિવસો પહેલા રાત્રીના સમયે તસ્કરે આતંક મચાવ્યો હતો અને એકી સાથે સાત મકાનના તાળા તોડ્યા હતા ત્યારે એક મકાનમાંથી ૧,૪૭,૦૦૦ લાખના મુદામાલની ચોરી કરવામાં આવી હતી જેની ફરિયાદ નોંધાઈ હતી તેના આધારે પોલીસે હાલમાં ઘરફોડ ચોરીનો ભેદ ઉકેલી નાખ્યો છે અને આ ચોરીમાં ગયેલ મુદામાલ સાથે ચોરી કરતી ગેંગના બે આરોપીઓને ઝડપી લીધેલ છે
મોરબી જિલ્લા એલસીબીના ઇન્ચાર્જ પીઆઇ કે.જે.ચૌહાણની સૂચના મુજબ સ્ટાફ કામ કરે છે ત્યારે માળીયા મિયાણા તાલુકાના સરવડ ગામે ચોરીની ઘટના બની હતી અને તા.૨૮/૧૨/૨૦૨૨ ના રાત્રીના સમયે સરવડ ગામે સાત જેટલા બંધ મકાનના તાળા તોડીને ઘરમાંથી રોકડા રૂપીયા તથા સોના ચાંદીના દાગીનાની ચોરી કરવામાં આવી હતી અને તસ્કર કુલ મળીને ૧,૬૫,૮૦૦ નો મુદામાલ લઈ ગયા હતા જેની માળીયા તાલુકા પોલીસ સ્ટેશને ફરિયાદ નોંધાઈ હતી દરમ્યાન હ્યુમન ઇન્ટેલીજન્સ તથા ટેકનીકલ માધ્યમ મારફતે મળેલ હકિકત આધારે અગાઉ ચોરીના ગુનામાં પકડાયેલ ધીરૂભાઇ કેશાભાઇ વાજેલીયા રહે. ચૂંપણી વાળા તથા તેના સાગરીતોએ આ ગુનાને અંજામ આપેલ હોવાની ચોકકસ હકીકત મળી હતી જેના આધારે પોલીસે માળીયા ફાટક પાસે વોચ ગોઠવી હતી ત્યારે આરોપીઓ પાસેથી ચોરીના ગુનામાં ગયેલ મુદામાલ તથા ગુનામાં વપરાયેલ વાહન, મળી આવ્યું હતું જેથી કરીને પોલીસે બે આરોપીને પકડ્યા હતા
જેમાં ધીરૂભાઇ કેશાભાઇ વાજેલીયા જાતે વેડવા દેવીપૂજક (પર) રહે. ચૂપણી ૬૬ કેવી. જી.ઇ.બી. સબ સ્ટેશન પાસે તાલુકો હળવદ અને સાજનભાઇ વિરજીભાઇ ચાડમીયા જાતે વેડવા દેવીપૂજક (૨૧) રહે. લતીપર રોડ, ડાયર્વજન પાસે, ધ્રોલ વાળનો સમાવેશ થાય છે અને પોલીસે તેની પાસેથી પીળી ધાતુની કાનમાં પહેરવાની પટ્ટી ડિઝાઇન વાળી બુટ્ટી ૧ જોડી, પીળી ધાતુના નાકમાં પહેરવાના બે દાણા, પીળી ધાતુનો ૧ ચેઇન, પીળી ધાતુની બે વીંટી, સફેદ ધાતુના ૨૦ સીક્કા અને રોકડા રૂપીયા ૭૦,૬૦૦ તેમજ તાળા તોળવામાં ઉપયોગમાં લીધેલ ટાયર ખોલવાનું પાનુ તથા ડીસમીસ વિગેરે મળીને ૧,૬૫,૮૫૦ નો મુદામાલ કબ્જે કરેલ છે આ આરોપીઓ રાત્રીના સમયે ગ્રામ્ય વિસ્તારમાં જઇ બંધ મકાનના તાળા નકૂચા તોડી ઘરમાં પ્રવેશ કરી રોકડ રકમ, સોના-ચાંદીના દાગીનાની ચીજ વસ્તુની ચોરી કરવાની ટેવવાળા છે અને આરોપી ધીરૂભાઇ કેશાભાઇ વાજેલીયા અગાઉ સુરેન્દ્રનગર, રાજકોટ, મોરબી, ખાતે ઘરફોડ ચોરી તથા દારૂના અનેક ગુનાઓ પકડાયેલ છે
