ગુજરાતમાં ગોસ્વામી સમાજના હિત અને વિકાસ માટે ગુજરાતમાં મજબૂત સંગઠન બનાવો: ડો. મનીષભાઈ ગોસ્વામી
SHARE
JOIN OUR GROUP
ગુજરાતમાં ગોસ્વામી સમાજના હિત અને વિકાસ માટે ગુજરાતમાં મજબૂત સંગઠન બનાવો: ડો. મનીષભાઈ ગોસ્વામી
દશનામ ગોસ્વામી યુવક મંડળ દ્વારા ચતુર્થ રજવાડી રાત્રી સમૂહલગ્ન યોજાયા: સમૂહલગ્નના આયોજકોનું મહાનુભાવોએ કર્યું સન્માન
મોરબી દશનામ ગોસ્વામી યુવક મંડળ આયોજીત ચતુર્થ રજવાડી રાત્રી સમૂહલગ્નનું આયોજન કરવામાં આવ્યું હતું અને મોરબીમાં ઉમા ટાઉનશીપ સામે જનકલ્યાણનગરના ગ્રાઉન્ડમાં આ સમૂહલગ્ન રાખવામા આવ્યા હતા જેમાં કન્યાઓને કરિયાવરમાં સોના ચાંદીના દાગીનાથી લઈને જુદીજુદી ૮૫ વસ્તુઓ આપવામાં આવી હતી અને યુવક મંડળ દ્વારા સમૂહલગ્નનું ભવ્ય આયોજન કરવામાં આવ્યું હોવાથી રાજકોટના નિવૃત પીએસઆઇ અને સમાજના આગેવાન સોમગીરી પ્રભાતગીરી તેમજ તેની ટીમે યુવક મંડળની ટીમનું સન્માન કર્યું હતું
આ સમૂહલગ્નમાં ઉપસ્થિત રાજકોટના ડો.મનીષભાઈ ગોસ્વામીએ જણાવ્યું હતું કે, સમગ્ર ગુજરાતના ગોસ્વામી સમાજના હિત અને સર્વાંગી વિકાસ માટે ગુજરાત લેવલનું મજબૂત એકતાનું સંગઠન બનાવવા માટે આહ્વાન કર્યું હતું અને નવ દંપતીઓ તેમજ વાલીઓને ટકોર કરી હતી કે ઘરમાં નાની નાની બાબતોને મોટુ રૂપ ન આપો અને એકબીજા પ્રત્યે અહંકાર કે ઈર્ષા ન રાખો તેના લીધે સમાજમાં છુટા છેડાના બનાવો વધી રહ્યા છે મોરબી રામધન આશ્રમના મહંત ભાવેશ્વરીબેનએ જણાવ્યું હતું કે ગોસ્વામી સમાજએ સંતો મહંતોનો પરોપકારી અને કલ્યાણકારી સમાજ છે. આ સમૂહલગ્નમાં જોડાવવુંએ મોટું સદભાગ્ય છે. કારણ કે, સમૂહલગ્નમાં સંતો મહંતો અને સમાજના દંપતીઓને આશીર્વાદ મળે છે. આ સમૂહલગ્નમાં ઉપસ્થિત સંતો મહંતી મહાનુભાવો સમૂહલગ્નના સફળ આયોજનને બિરદાવી દંપતીઓને આશીર્વાદ આપ્યા હતા. આ સમૂહલગ્નમાં મુકેશગીરી દલપતગીરી, સંજયભાઇ ગોસ્વામી, ચેતનગીરી વાંકાનેરવાળા,રાષ્ટ્રીય અધ્યક્ષ સચીદાનંદજીગીરી, મોરબી દશનામ ગોસ્વામી સમાજ પ્રમુખ ગુલાબગીરી, મોરબી ડીવાયએસપી પી.એસ. ગોસ્વામી, હસુબાપુ ભગવાગ્રુપ, ચોટીલાના મહંત, દળવા રાંદલ મહંત તેમજ મોરબી પાલિકા ઉપપ્રમુખ જયરાજસિંહ જાડેજા ઉપસ્થિત રહ્યા હતા તેમજ રાજકોટ, સુરેન્દ્રનગર, કરછ સહિત ગુજરાતભરના વિવિધ સંગઠનના આગેવાનો, સંતો મહંતો ઉપસ્થિત રહ્યા હતા. આ સમૂહલગ્નને સફળ બનાવવા મોરબી દશનામ ગોસ્વામી મંડળના પ્રમુખ તેજશગીરી મગનગીરી, ઉપપ્રમુખ બળદેવગીરી દેવગીરી, મંત્રી અમિતગીરી તથા નિતેષગીરી ખજાનચી એડવોકેટ હાર્દિકગીરી તથા દેવેન્દ્રગીરી સહિત યુવા ટીમે ભારે જહેમત ઉઠાવી હતી
