માવાએ ભારે કરી : મોરબીમાં માવો ન આપતા યુવાનને ચાર શખ્સોએ માર માર્યો
SHARE
JOIN OUR GROUP
માવાએ ભારે કરી : મોરબીમાં માવો ન આપતા યુવાનને ચાર શખ્સોએ માર માર્યો
મોરબીના જેલ રોડ ઉપર સબજેલની સામેના ભાગમાં આવેલ વિસ્તારમાં રહેતા યુવાન પાસે માવો માંગ્યો હતો ત્યારે તે યુવાને માવો આપવાની ના પડી હતી જેથી કરીને ચાર શખ્સો દ્વારા મૂઢમાર મારવામાં આવ્યો હતો જેથી ઈજા પામેલા યુવાને સારવાર લીધા બાદ ચાર શખ્સોની સામે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે.
જાણવા મળતી માહિતી મુજબ મોરબીના જેલ રોડ ઉપર આવેલ સબ જેલની સામેના ભાગમાં રહેતા ભરત ગોવિંદભાઈ પરમાર (૨૭) એ હાલમાં કાનજીભાઈ ઝાલા, ઉદય કાનજીભાઈ ઝાલા, વિવેક કાનજીભાઈ ઝાલા અને કાનજીભાઈના પિતા રહે. બધા સબજેલ સામે વાળાની વિરુદ્ધ મોરબી સીટી એ ડિવિઝન પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યું છે કે, વિવેક કાનજીભાઈ ઝાલાએ તેની પાસેથી માવો માગ્યો હતો ત્યારે તેણે માવો આપવાની ના પાડતા તે બાબતે બોલાચાલી કરી હતી અને ત્યારબાદ ફરિયાદીને મુઢ માર મારવામાં આવ્યો હતો જેથી કરીને ભોગ બનેલ યુવાનને સારવારમાં લઈ ગયા હતા અને સારવાર લીધા બાદ તેણે મોરબી એ ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ચાર શખ્સોની સામે ગુનો નોંધીને આરોપીઓને પકડવા માટે તજવીજ શરૂ કરેલ છે.
ફિનાઇલ પી ગઈ
મોરબી શહેરના સામાકાંઠા વિસ્તારમાં રહેતી મુસ્કાનબેન તાજઅલી સબડિયા જાતે ફકીર (૨૪) નામની મહિલા ફિનાઇલની બોટલનું ઢાંકણું ખૂલતું ન હોવાથી મોઢેથી ખોલવા જતા તે ભૂલથી મોઢામાં ફિનાઇલ પી જતા તેને સારવાર માટે હોસ્પિટલને લઈને આવ્યા હતા અને આ બનાવવાની મોરબી સીટી બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.
