ટંકારાના હરબટીયાળી ગામે ૧૦૮ બાળ બંજરગબલી સાથે નીકળી શોભાયાત્રા
Morbi Today
મોરબીના રણછોડનગરમાં બાઇક ઉપરથી નીચે પટકાતા માથામાં ઇજા પામેલ યુવાનનું મોત
SHARE
JOIN OUR GROUP
મોરબીના રણછોડનગરમાં બાઇક ઉપરથી નીચે પટકાતા માથામાં ઇજા પામેલ યુવાનનું મોત
મોરબીના નવલખી રોડ ઉપર આવેલ રણછોડનગર વિસ્તારમાં મોટર સાયકલ ઉપરથી નીચે પટકાતાં યુવાનને માથામાં ઇજા થઈ હતી જેથી તેને પ્રથમ સારવાર માટે મોરબી અને ત્યાં વધુ સારવાર માટે રાજકોટ સિવિલ હોસ્પિટલ ખાતે લઈ ગયા હતા જોકે સારવાર કારગત ન નિવડતા તે યુવાનનું મોત નીપજયું હતું જેથી રાજકોટની હોસ્પિટલ મારફતે આ બનાવવાની મોરબી સીટી બી ડિવિઝન પોલીસને જાણ કરવામાં આવતા પોલીસે અકસ્માત મૃત્યુના બનાવની નોંધ કરી રાબેતા મુજબની કાર્યવાહી હાથ ધરી છે
બનાવની જાણવા મળતી વિગત પ્રમાણે મોરબીના નવલખી રોડ ઉપર આવેલ રણછોડનગર-૨ માં બ્લોક નં-૨૧ માં રહેતો કુલદીપસિંહ નરપતસિંહ રાણા (૪૦) નામનો યુવાન પોતાના ઘર પાસે મોટરસાયકલ ઉપરથી કોઈ કારણોસર પડી ગયો હતો જેથી કરીને તેને માથાના ભાગે ગંભીર થઇ હોવાથી પ્રથમ સારવાર માટે તેને મોરબીની આયુષ હોસ્પિટલમાં લઈ ગયા હતા અને ત્યાંથી વધુ સારવાર માટે આ યુવાનને રાજકોટની સરકારી હોસ્પિટલ ખાતે લઈ જવામાં આવ્યો હતો અને ત્યાં સારવાર દરમિયાન તેનું મોત નિપજ્યું હતું જેથી કરીને અકસ્માત મૃત્યુના બનાવની રાજકોટ સરકારી હોસ્પિટલ મારફતે મોરબી સીટી બી ડિવિઝન પોલીસને જાણ કરવામાં આવતા પોલીસે બનાવવી નોંધ કરી આગળની રાબેતા મુજબની કાર્યવાહી હાથ ધરી છે
મારામારીમાં ઇજા
મોરબીમાં રેલ્વે સ્ટેશન રોડ ઉપર રેલ્વે સ્ટેશનના ગેઇટની પાસે મારામારીનો બનાવ બન્યો હતો જેમાં યુનુસ જૂસબભાઈ સુમરા (૪૭) રહે. વિજયનગર રોહીદાસપરા પાસે મોરબી વાળાને ઇજાઓ થઈ હતી જેથી ઇજા પામેલા યુવાનને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે મોરબી સીટી એ ડિવિઝન પોલીસને જાણ કરવામાં આવતા પોલીસે મારામારીના બનાવની નોંધ કરી આગળની કાર્યવાહી હાથ ધરી હતી અને આ બનાવની આગળની વધુ તપાસ એ ડિવિઝન પોલીસ સ્ટેશનના વિપુલભાઈ ફૂલતરીયા ચલાવી રહ્યા છે
