મોરબીમાં રાહદારી મહિલાને હડફેટે લઈને મોત નિપજાવનાર બાઇક ચાલકની ધરપકડ

મોરબીમાં ત્રાજપરના ઓવરબ્રિજ પાસે ફુલ સ્પીડમાં જતા બાઈક ચાલકે રાહદારી આધેડ મહિલાને હડફેટે લીધા હતા અને મહિલાને ગંભીર ઇજા થઇ હતી જેથી કરીને મહિલાનું મોત નીપજ્યું હતું તેમજ બાઈક સવાર યુવાનને પણ ઇજા થઈ હતી ત્યાર બાદ આ બનાવમાં મૃતક મહિલાના પતિએ બાઇક ચાલકની સામે ફરિયાદ નોંધાવી હતી જેના આધારે પોલીસે આરોપીને પકડીને આગળની કાર્યવાહી કરેલ છે

મોરબીના સામાકાંઠે આવેલ ત્રાજપર ઓવરબ્રિજ નજીક વાહન અકસ્માતનો બનાવ બન્યો હતો જેમાં કમળાબા હસ્તસિંહ ઝાલા (૫૦) ચાલીને જતાં હતા ત્યારે તેમને બાઈક ચાલક રોહન પુનાભાઈ બથવાર (૨૦) રહે. કુબેર ટોકીઝ પાછળ વાંકાનેર હાઇવે સામાકાંઠે મોરબી-૨ વાળાએ હડફેટે લીધા હતા જેથી મહિલાને માથા અને શરીરના ભાગે ગંભીર ઇજા થતાં તેનું સારવારમાં મોત નીપજયું હતું જેથી કરીને બી ડિવિઝન પોલીસ સ્ટેશને મૃતક મહિલાના પતિ હસ્તસિંહ ભારતસિંહ ઝાલા જાતે. દરબાર (૫૮)એ ફરિયાદ નોંધાવી હતી જેના આધારે પોલીસે આરોપી રોહન પુનાભાઈ બથવાર (૧૯) રહે. કુબેર ટોકીઝ પાછળ વાંકાનેર હાઇવે સામાકાંઠે મોરબી-૨ વાળાની પીએસઆઈ જે.એલ.ઝાલા દ્વારા ધરપકડ કરવામાં આવી છે

મારામારીમાં ઇજા

મોરબી નજીકના ધરમપુર ગામે શેરીમાંથી ચાલવા બાબતે બોલાચાલી થઈ હતી અને ત્યારબાદ મારામારીનો બનાવ બન્યો હતો જેમાં બીપીનભાઈ મનજીભાઈ કુંવરિયા (૩૫), શિલ્પાબેન વાલજીભાઈ થરેસા (૨૫) અને જગદીશભાઈ વાલજીભાઈ થરેસા (૨૫) ને ઇજાઓ થઇ હોવાથી ત્રણેય ઈજાગ્રસ્તોને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ કરી હતી અને આ બનાવની આગળની વધુ તપાસ મોરબી તાલુકા પોલીસ સ્ટેશનના એમ.એલ. બારૈયા દ્વારા હાથ ધરવામાં આવી હતી