મોરબીની સોમનાથ પેપર મિલમાં લાગેલ આગે ૧૭ કલાક પછી પણ બેકાબૂ: સરકારની બેદરકારીથી મોટું નુકશાન
Morbi Today
વાંકાનેર નજીક અકસ્માત સર્જાયેલ બે ટ્રકની પાછળ ડબલ સવારી બાઇક અથડાતાં પત્નીની નજર સામે પતિનું મોત
SHARE
JOIN OUR GROUP
વાંકાનેર નજીક અકસ્માત સર્જાયેલ બે ટ્રકની પાછળ ડબલ સવારી બાઇક અથડાતાં પત્નીની નજર સામે પતિનું મોત
વાંકાનેરના જોધપર ખારી ગામ પાસે અકસ્માત સર્જાયેલ ટ્રકની પાછળના ભાગમાં ડબલ સવારી બાઇક અથડાયું હતું જેથી બાઇક ચાલકને ગંભીર ઈજા થતાં તેની પત્નીની નજર સામે જ તેના પતિનું મોત નીપજ્યું હતું જે બનાવ બાદ ટ્રક ચાલકે હાલમાં ફરિયાદ નોંધાવતા પોલીસે ગુનો નોંધી આગળની રાબેતા મુજબની કાર્યવાહી હાથ ધરી છે
બનાવની જાણવા મળતી માહિતી મુજબ મૂળ તમિલનાડુના રહેવાસી મારિયા સેલવાસ સુંદરરાજ થેવર (૨૪) નામના યુવાને બંધ પડેલા ટ્રક નંબર જીજે ૧૦ બીએલ ૭૩૦૩ ના ચાલક ગુંડુભાઇ નાનુભાઈ ડામોર રહે. એમપી વાળાની સામે ફરિયાદ નોંધાવી છે જેમાં તેને જણાવ્યુ છે કે, વાંકાનેર નજીક આવેલ જોધપર ખારી ગામ પાસે આરોપીનો ટ્રક રોડ સાઈડમાં બંધ પડ્યો હતો જેની સાથે ફરિયાદીનો ટ્રક નંબર ટીએમ ૫૨ જે ૫૫૭૬ પાછળના ભાગે ઠાઠામાં અથડાયો હતો જેથી કરીને બે વાહન વચ્ચે અકસ્માત થયો હતો તેવામાં પાછળથી આવી રહેલ ડબલ સવારી બાઈક ફરિયાદીના ટ્રકની પાછળ અથડાતા બાઈક ચાલક યુવાનને કપાળના ભાગે ગંભીર ઈજા થઈ હોવાથી તેનું મોત નીપજયું હતું જોકે, બાઈકમાં બેઠેલ તેના પત્ની લલિતાબેન ઉર્ફે નનિતા (૨૬) ને માથામાં ઇજા થઇ હોવાથી તેને સારવાર માટે ખસેડવામાં આવી હતી અને અકસ્માતના આ બનાવ સંદર્ભે સારવાર લીધા બાદ ટ્રકના ચાલકે નોંધાવેલ ફરિયાદ આધારે વાંકાનેર તાલુકા પોલીસે બંધ પડેલા ટ્રકના ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે
