મોરબીના લાલપર નજીક કાઉ મારતા સમયે ટ્રકમાંથી કન્ટેનર નીચે પડતાં ઇજા પામેલા બે બાળક સારવારમાં
Morbi Today
મોરબીના શિક્ષકને ગિજુભાઈ બધેકા રાષ્ટ્રીય શિક્ષક સન્માન એવોર્ડ એનાયત કરાશે
SHARE
JOIN OUR GROUP
મોરબીના શિક્ષકને ગિજુભાઈ બધેકા રાષ્ટ્રીય શિક્ષક સન્માન એવોર્ડ એનાયત કરાશે
સ્કૂલ એકેડેમી કેરલા અને ટીમ મંથન ગુજરાત દ્વારા દર વર્ષે સમગ્ર ભારતમાંથી શિક્ષણના ક્ષેત્રમાં નાવીન્યપૂર્ણ કામ કરતા રાજ્ય કક્ષાએ પસંદગી પામેલ ઈનોટીવ શિક્ષક, તેમજ અનેકવિધ પ્રવૃત્તિઓ મારફત વિદ્યાર્થીઓના વિકાસ માટે સતત કાર્યરત એવા શિક્ષકોને પસંદ કરીને "ગિજુભાઈ બધેકા રાષ્ટ્રીય શિક્ષક સન્માન" એવોર્ડ એનાયત કરવામાં આવે છે ત્યારે સમગ્ર ભારતમાંથી ૧૧૦ જેટલા પસંદગી થયેલ શિક્ષકોમાં મોરબી જિલ્લામાં સભારાવાડી પ્રાથમિક શાળાના શિક્ષક વિજયભાઈ દલસાણીયાને આ સન્માન મળ્યું છે અત્રે ઉલેખનીય છે કે, વિજયભાઈએ શિક્ષણના અનેક ક્ષેત્રમાં અનેકવિધ કામગીરી કરી છે. અને બાળકોના વિકાસ માટે અનેકવિધ પ્રવૃત્તિઓ શાળામાં કરાવે છે. તેમણે કરેલી ૯૦૦ જેટલી પ્રવૃતિઓ અને બાળકોના સર્વાંગી વિકાસ માટે કરેલી પ્રસંશનીય કામગીરીના ફળ સ્વરૂપે આ એવોર્ડ માટે તેમની પસંદગી કરવામાં આવી છે. અગાઉ પણ તેઓ પાંચ એવોર્ડ અને ૧૮ સન્માન મેળવી ચૂક્યા છે. આ એવોર્ડ તેમને તા ૨૭/૪ ના રોજ બનાસકાંઠા જિલ્લાના ડીસા તાલુકામાં ટીમ મંથન ગુજરાત દ્વારા અર્પણ કરવામાં આવશે. આ તકે પસંદગી થતાં વિજયભાઈએ ટીમ મંથન ગુજરાતના શૈલેષભાઈ પ્રજાપતિ, અનિલભાઈ શ્રીમાળી અને સતીષભાઈ પ્રજાપતિ તેમની અને સમગ્ર ટીમ પરત્વે આભારની લાગણી વ્યક્ત કરી હતી.
