મોરબીના રફાળેશ્વર પાસેથી તમંચા સાથે એક શખ્સ પકડાયો
SHARE
JOIN OUR GROUP
મોરબીના રફાળેશ્વર પાસેથી તમંચા સાથે એક શખ્સ પકડાયો
મોરબી નજીકના રફાળેશ્વર ગામ પાસે સર્વિસ રોડ ઉપરથી પસાર થયેલા શખ્સને રોકીને પોલીસે ચેક કરતા તેની પાસેથી દેશી બનાવટનો એક તમંચો મળી આવ્યો હતો ત્યારે પોલીસે હથિયાર કબજે કરી તેની સામે મોરબી તાલુકા પોલીસ સ્ટેશન ખાતે આર્મ્સ એક્ટ મુજબ ગુનો નોંધી આગળની રાબેતા મુજબની કાર્યવાહી હાથ ધરી છે
મોરબી જિલ્લા એસ.ઓ.જી.ની ટીમને મળેલ બાતમી આધારે મોરબી વાંકાનેર હાઇવે ઉપર આવેલ રફાળેશ્વર ગામ પાસે સર્વિસ રોડ ઉપરથી પસાર થઈ રહેલા શખ્સને રોકીને પોલીસ ચેક કર્યો હતો ત્યારે તેની પાસેથી દેશી બનાવટનો એક તમંચો મળી આવ્યો હોય પોલીસે ૧૦૦૦ ની કિંમતનો તમંચો કબજે કર્યો હતો અને આરોપી ઈરફાન રફીકભાઈ સમા જાતે સિપાહી (૨૫) રહે. સોઓરડી વરિયાનગર મોરબી વાળાની ધરપકડ કરેલ છે અને તેની પાસેથી મળી આવેલ હથિયાર તે ક્યાંથી લાવ્યો હતો તે દિશામાં હાલમાં પોલીસે તપાસ શરૂ કરી છે
બાઇક ચોરી
મૂળ હળવદ તાલુકાના નવા દેવડીયા ગામના રહેવાસી અને હાલમાં મોરબીના હળવદ રોડ ઉપર આવેલ હરિઓમ પાર્કમાં રહેતા અમિતભાઈ જયંતીભાઈ ભોરણીયા જાતે પટેલ (૩૦) એ અજાણ્યા શખ્સની સામે મોરબી સિટી એ ડિવિઝન પોલીસ સ્ટેશન ખાતે ચોરીની ફરિયાદ નોંધાવી છે જેમાં જણાવ્યું છે કે, મોરબીના સનાળા રોડ ઉપર આવેલ સાગર હોસ્પિટલ સામેની શેરીમાં તેણે પોતાનું બાઈક નંબર જીજે ૩૬ એમ ૫૨૬૯ પાર્ક કરીને મૂક્યું હતું જે બાઈકની કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને ૨૦,૦૦૦ રૂપિયાની કિંમતના બાઈકની ચોરી થઈ હોવા અંગેની યુવાને ફરિયાદ નોંધાવતા પોલીસ આગળની કાર્યવાહી હાથ ધરી છે
