મોરબી નજીક લાયકોસ બાથવેર કારખાનામાં અજાણ્યા શખ્સે છરી મારી દેતા ઇજા પામેલા યુવાન સારવારમાં
Morbi Today
મોરબી નજીક સીરામીક કારખાનાના મશીનમાં હાથ આવી જતા ઇજા પામેલા યુવાનનું મોત
SHARE
JOIN OUR GROUP
મોરબી નજીક સીરામીક કારખાનાના મશીનમાં હાથ આવી જતા ઇજા પામેલા યુવાનનું મોત
MORBI: મોરબીના જેતપર રોડ ઉપર આવેલ સીરામીક કારખાનામાં કામગીરી દરમિયાન મશીનમાં હાથ આવી જતા ગંભીર રીતે ઇજા પામેલા યુવાનને સારવાર માટે ૧૦૮ મારફતે હોસ્પિટલ લઈ જતા હતા ત્યારે તેનું સારવાર દરમિયાન મોત નીપજયું હતું જેથી કરીને અકસ્માત મૃત્યુના આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે.
બનાવની જાણવા મળતી માહિતી મુજબ મોરબીના જેતપર રોડ ઉપર આવેલ રંગપર ગામ પાસે વિરાટનગર નજીક સોલેન્ટા સીરામીક (ciramik) કારખાનામાં રહેતો અને ત્યાં મજૂરી કામ કરતો ઈસુભાઈ શાંતિયાભાઈ રાઠવા (૩૫) નામનો યુવાન યુનિટમાં કામ કરી રહ્યો હતો ત્યારે તેનો જમણો હાથ મશીનમાં આવી જતા તેને ગંભીરતા થઈ હતી જેથી ઈજા પામેલા યુવાનને ૧૦૮ મારફતે સારવારમાં લઈ જતા હતા ત્યારે રસ્તામાં સારવાર દરમિયાન તે યુવાનનું મોત થયું હતુ જેથી કરીને અકસ્માત મૃત્યુના આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે અને આ બનાવની આગળની વધુ તપાસ મોરબી તાલુકા પોલીસ સ્ટેશનના ફિરોજભાઈ સુમરા ચલાવી રહ્યા છે.
અકસ્માતમાં ઇજા
મોરબી જિલ્લામાં આવેલ રાણેકપર ગામના પાટીયા પાસેથી બાઈક લઈને મોરબીના મકનસર ગામ પાસે આવેલ ભક્તિનગર-૨ માં રહેતો પીન્ટુકુમાર ઠાકોર (૩૦) નામનો યુવાન પસાર થઈ રહ્યો હતો ત્યારે રાજ હોટલ સામેના ભાગમાં તેનું બાઈક સ્લીપ થઈ ગયું હતું જેથી અકસ્માતના બનાવમાં પીન્ટુકુમાર ઠાકોરને ઇજાઓ થઇ હોવાથી તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને અકસ્માતના આ બનાવની બી ડિવિઝન પોલીસની જાણ કરતા પોલીસે બનાવી નોંધ કરી રાબેતા મુજબની કાર્યવાહી હાથ ધરી છે.
