વાંકાનેરના ગારિયા પાસે હોટલમાંથી ઝડપાયો પાંચ બોટલ દારૂ
SHARE
JOIN OUR GROUP
વાંકાનેરના ગારિયા પાસે હોટલમાંથી ઝડપાયો પાંચ બોટલ દારૂ
વાંકાનેર નજીક ગારિયા ગામના બસ સ્ટેન્ડ પાસે આવેલ હોટલમાં દારૂનો વેપલો થતો હોવાની બાતમી મળી હતી જેના આધારે પોલીસે ત્યાં દારૂની રેડ કરી હતી ત્યારે હોટલમાંથી દારૂની પાંચ બોટલ મળી આવી હતી જેથી પોલીસે ૧૫૦૦ રૂપિયાની કિંમતનો દારૂનો જથ્થો કબજે કર્યો છે જોકે હોટલનો સંચાલક હાજર ન હોવાથી તેની સામે વાંકાનેર સિટી પોલીસ સ્ટેશન ખાતે ગુનો નોધી આગળની કાર્યવાહી હાથ ધરવામાં આવી છે.
મોરબીના જુદા જુદા વિસ્તારમાં દારૂની હેરાફેરી કરવામાં આવતી હોય તથા દારૂનો છુટથી વેપાર કરવામાં આવતો હોય તેવું ઘણી જગ્યાએ જોવા મળે છે ત્યારે વાંકાનેર શહેરથી વાંકાનેર બાઉન્ડ્રી તરફ જવાના રસ્તા ઉપર આવતા ગારીયા ગામના બસ સ્ટેન્ડ પાસે આવેલી હોટલ બજરંગમાં દારૂનો વેપલો થતો હોવાની સ્થાનિક પોલીસને બાતમી મળી હતી જેના આધારે પોલીસે ત્યાં દારૂની રેડ કરી હતી ત્યારે બજરંગ હોટલમાંથી દારૂની પાંચ બોટલ મળી આવતા પોલીસે ૧૫૦૦ રૂપિયાની કિંમતનો દારૂ જથ્થો કબજે કર્યો હતો. જોકે હોટલનો સંચાલક વિવેકભાઈ મંછારામ બાવાજી રહે ગારીયા તાલુકો વાંકાનેર વાળો હોટલે હાજર ન હોવાથી તેની સામે હાલમાં વાંકાનેર સીટી પોલીસ સ્ટેશન ખાતે ગુનો નોંધીને પોલીસે તેને પકડવા માટે તજવીજ શરૂ કરેલ છે.
દેશી દારૂ
હળવદ તાલુકાના ગોલાસણ ગામે જીઓ કંપનીના ટાવર પાસે મનુભાઈ સંજુભાઈ ખાંભડીયા જાતે કોળી રહે. ગોલાસણ વાળાની વાડીમાં દેશી દારૂનો જથ્થો હોવાની બાતમી મળી હતી જેના આધારે સ્થાનિક પોલીસ દ્વારા ત્યાં દારૂની રેડ કરવામાં આવતા સ્થળ ઉપરથી દેશી દારૂ બનાવવા માટે ઉપયોગમાં લેવામાં આવતો ૧૩૦૦ લીટર આથો મળી આવતા પોલીસે ૨૬૦૦ ની કિંમતનો મુદ્દામાલ કબજે કર્યો હતો જોકે આરોપી સ્થળ ઉપર હાજર ન હોવાથી તેની સામે ગુનો નોંધી આરોપીને પકડવા માટે પોલીસે તજવીજ શરૂ કરી છે.
