મોરબીના લીલાપર રોડે ફિલ્ટર હાઉસના હોજમાં ન્હાવા પડેલ યુવાનનું પાણીમાં ડૂબી જવાથી મોત
Morbi Today
મોરબીમાં દેશી દારૂની ભઠ્ઠી ઉપર રેડ બાદ બુટલેગરના ઘરેથી દારૂની બોટલો ઝડપાઇ, આરોપીની શોધખોળ
SHARE
JOIN OUR GROUP
મોરબીમાં દેશી દારૂની ભઠ્ઠી ઉપર રેડ બાદ બુટલેગરના ઘરેથી દારૂની બોટલો ઝડપાઇ, આરોપીની શોધખોળ
મોરબી તાલુકાના આમરણ પીપળીયા રોડ ઉપર નવા બનતા પુલિયા નજીક દેશી દારૂની ભઠ્ઠી ચાલુ હોવાની બાતમી મળી હતી જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી દેશી દારૂ બનાવવા માટે ઉપયોગમાં લેવામાં આવતો આથો, ગેસનો બાટલો, ગેસનો ચૂલો વગેરે મુદ્દામાલ મળી આવ્યો હતો જો કે, આરોપી હાજર ન હોવાથી પોલીસે આરોપીને પકડવા માટે તેના ઘરે રેડ કરી હતી ત્યારે તેના ઘરમાંથી દારૂની પાંચ બોટલ મળી આવી હોય પોલીસે તે દારૂનો જથ્થો પણ કબજે કર્યો છે અને આરોપી ઘરે પણ હાજર ન હોવાથી તેની સામે મોરબી તાલુકા પોલીસ સ્ટેશન ખાતે ગુનો નોંધીને આરોપીને પકડવા માટે તજવીજ શરૂ કરેલ છે.
બનાવની જાણવા મળતી માહિતી મુજબ મોરબી નજીકના મોડપર ગામની સીમમાં આમરણ પીપળીયા રોડ ઉપર નવા બનતા પુલિયા પાસે વોકડામાં દેશી દારૂની ભઠ્ઠી ચાલુ હોવાની એલસીબીની ટીમને બાતમી મળી હતી જેના આધારે એલસીબીની ટીમ દ્વારા ત્યાં ચેકડેમ પાસે દારૂની રેડ કરવામાં આવી હતી ત્યારે ત્યાંથી દેશી દારૂ બનાવવા માટે ઉપયોગમાં લેવામાં આવતો ૩૦૦ લીટર આથો મળી આવ્યો હતો તેમજ ગેસનો બાટલો, ગેસનો ચૂલો, તપેલા વગેરે ભઠ્ઠીનો મુદ્દામાલ વળી આવતા પોલીસે ૨૫૦૦ ની કિંમતનો મુદ્દા માલ કબજે કર્યો હતો અને આ દેશી દારૂની ભઠ્ઠી અક્ષયભાઈ વિનુભાઈ સોલંકી જાતે દેવીપુજક રહે. મોડપર વાળાની હોવાનું સામે આવતા પોલીસે આરોપીને પકડવા માટે તેના ઘરે રેડ કરી હતી ત્યારે આરોપીના ઘરમાંથી વિદેશી દારૂની પાંચ બોટલો મળી આવી હોય પોલીસે ૧૫૦૦ રૂપિયાની દારૂની પાંચ બોટલ પણ કબજે કરી હતી અને આરોપી અક્ષય વિનુભાઈ સોલંકી ઘરે પણ હાજર ન હોવાથી પોલીસે તેની સામે મોરબી તાલુકા પોલીસ સ્ટેશન ખાતે જુદાજુદા બે ગુના નોંધીને આરોપીને પકડવા માટે તજવીજ શરૂ કરી છે.
