મોરબી નજીક આઇસર ચાલકે ડબલ સવારી બાઇકને હડફેટે લેતા તરૂણનું મોત: ઇજાગ્રસ્ત યુવાન સારવારમાં
Morbi Today
ટંકારા નજીક નદીના કાંઠે જુગાર રમતા બે શખ્સ ૩૧,૪૦૦ ની રોકડ સાથે પકડાયા
SHARE
JOIN OUR GROUP
ટંકારા નજીક નદીના કાંઠે જુગાર રમતા બે શખ્સ ૩૧,૪૦૦ ની રોકડ સાથે પકડાયા
ટંકારા અમરાપર રોડ ઉપર આવેલ નદીના કાંઠે બાવળની જાળી પાસે જાહેરમાં જુગાર રમતા હોવાની બાતમી મળી હતી જેના આધારે પોલીસે ત્યાં જુગારની રેડ કરી હતી અને બે શખ્સો જુગાર રમતા મળી આવ્યા હોય પોલીસે ૩૧૪૦૦ રૂપિયાનો મુદ્દામાલ કબજે કર્યો હતો અને બંને શખ્સોની ધરપકડ કરી તેની સામે જુગાર હેઠળ ગુનો નોંધી આગળની કાર્યવાહી હાથ ધરી છે
બનાવની જાણવા મળતી માહિતી મુજબ ટંકારા તાલુકાના અમરાપર રોડ ઉપર આવેલ પવનચક્કી પાસે આસુદ્રા નદીના કાંઠે બાવળની જાળીમાં જુગાર રમતા હોવાની એલસીબીની ટીમને બાતમી મળી હતી જેના આધારે એલસીબીની ટીમ દ્વારા ત્યાં જુગારની રેડ કરવામાં આવતા સ્થળ ઉપર રમેશભાઈ રણછોડભાઈ કોરીંગા જાતે પટેલ (૪૮) અને રાજીવભાઈ કેશવજીભાઈ પાંચોટિયા જાતે પટેલ (૪૦) રહે, બંને ટંકારા વાળા જુગાર રમતા મળી આવ્યા હોય પોલીસે તેની પાસેથી ૩૧૪૦૦ ની રોકડ કબજે કરી હતી અને આ બંને શખ્સોની ધરપકડ કરી તેની સામે ટંકારા તાલુકા પોલીસ સ્ટેશન ખાતે જુગાર ધારા હેઠળ આગળની કાર્યવાહી હાથ ધરી હતી
અકસ્માતમાં ઇજા
મોરબી હળવદ હાઇવે ઉપર આવેલ ઘુટુ ગામ પાસે વાહન અકસ્માતનો બનાવ બન્યો હતો જે અકસ્માતના બનાવવામાં સુમરાભાઈ કલશીભાઇ તાંબોડીયા (૨૮) નામના યુવાનને ઇજા થઈ હતી જેથી ઇજાગ્રસ્ત યુવાનને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને હોસ્પિટલ ખાતે યુવાને સારવાર આપવામાં આવ્યા બાદ આ બનાવની હોસ્પિટલ દ્વારા મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની આગળની વધુ તપાસ મોરબી તાલુકા પોલીસ સ્ટેશનના એન.જે. ખડીયા ચલાવી રહ્યા છે
અકસ્માતમાં ઇજા
મોરબી તાલુકાના કૃષ્ણનગર (ગુંગણ) ગામે રહેતા ગરચર મૈયાભાઈ રમેશભાઈ (૨૦) નામનો યુવાન બાઇક લઈને જઈ રહ્યો હતો ત્યારે તેના ગામ પાસે બાઈક આડે કૂતરું ઉતરતા બાઈટ સ્લીપ થઈ ગયું હતું જેથી અકસ્માતના આ બનાવમાં ઇજા થવાથી યુવાનને મોરબીના સામાકાંઠે વિસ્તારમાં આવેલ ખાનગી હોસ્પિટલમાં સારવાર માટે લઈને આવ્યા હતા અને યુવાનને સારવાર આપ્યા બાદ આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે
મારામારીમાં ઇજા
મોરબી શહેરના શનાળા રોડ ઉપર આવેલ કન્યા છાત્રાલય પાસે ક્રિષ્ના પાર્કમાં રહેતા મનસુખભાઈ બચુભાઈ કુણપરા (૫૦) નામના આધેડને મારામારીમાં ઈજા થઇ હોવાથી સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી અને આ બનાવની આગળની વધુ તપાસ મોરબી એ ડિવિઝન પોલીસ સ્ટેશનના એચ.એમ. ચાવડા ચલાવી રહ્યા છે અને વધુમાં મળતી માહિતી પ્રમાણે આધેડના ઘરે મારામારીનો બનાવ બન્યો હતો જેમાં ઈજા થવાથી તેને સારવાર માટે લઈને આવ્યા છે
