ટંકારાના મીતાણા નજીક કાર ચાલકે રોડ ક્રોસ કરતાં બાળકને હડફેટે લેતા બાળકનું મોત : ગુનો નોંધાયો
Morbi Today
મોરબીના બાયપાસ રોડે બ્રિજ પાસેથી અજાણી મહિલાની લાશ મળી
SHARE
JOIN OUR GROUP
મોરબીના બાયપાસ રોડે બ્રિજ પાસેથી અજાણી મહિલાની લાશ મળી
મોરબી માળિયા હાઇવે ઉપર બાયપાસ રોડ પાસે આવેલ ઓવરબ્રિજ નજીકથી અજાણી ૪૦ વર્ષની મહિલાની લાશ મળી આવી હતી જેથી કરીને ૧૦૮ મારફતે તેની ડેડાબોડીને મોરબી સિવિલ હોસ્પિટલ ખાતે લઇ આવ્યા હતા અને આ બનાવની હોસ્પિટલ મારફતે મોરબી તાલુકા પોલીસ જાણ કરવામાં આવતા પોલીસે બનાવની નોંધ કરી મૃતક મહિલાની ઓળખ મેળવવા માટે થઈને તજવીજ શરૂ કરેલ છે
બનાવની જાણવા મળતી માહિતી મુજબ મોરબી માળિયા હાઇવે ઉપર બાયપાસ પાસે આવેલ લક્ષ્મીનાગર ગામ નજીક ઓવરબ્રિજ પાસેથી અજાણી ૪૦ વર્ષની મહિલાની કોઈપણ કારણોસર મૃત્યુ પામેલ હાલતમાં લાશ મળી આવી હતી જેથી કરીને ૧૦૮ મારફતે તેની ડેડબોડીને મોરબીની સિવિલ હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવનું નોંધ કરી આગળની રાબેતા મુજબની કાર્યવાહી હાથ ધરી હતી અને આ બનાવની આગળની વધુ તપાસ મોરબી તાલુકા પોલીસ સ્ટેશનના એમ.એલ. બારૈયા ચલાવી રહ્યા હોવાનું જાણવા મળેલ છે અને તેમની સાથે વાત કરતાં તેમણે જણાવ્યું હતું કે, હજુ સુધી મૃતક મહિલાની ઓળખ મળી નથી જેથી કરીને તેની ઓળખ મેળવવા માટેની તજવીજ ચાલુ છે
બાઇક સ્લીપ
મોરબી શહેરના સનાળા રોડ ઉપર આવેલ સ્કાય મોલ પાસેથી અમૂલ્ય બંસીધારા પ્રધાન (૩૭) નામનો યુવાન બાઇક લઈને પસાર થઈ રહ્યો હતો ત્યારે કોઈ કારણોસર બાઈલ સ્લીપ થઈ ગયું હતું જેથી કરીને ઇજા પામેલ યુવાનને સારવાર માટે મોરબીની ખાનગી હોસ્પિટલમાં લઈને આવ્યા હતા અને આ બનાવવાની મોરબી સીટી એ ડિવિઝન પોલીસને જાણ કરતા પોલીસે રાબેતા મુજબની કાર્યવાહી હાથ ધરી હતી
રિક્ષા પલ્ટી
મોરબીના સનાળા રોડ પર આવેલ દલવાડી સર્કલ નજીક રહેતા ફિરોજભાઈ સલીમભાઈ મકરાણી (૩૬) નામનો યુવાન મોરબીની રવાપર ચોકડી પાસેથી રિક્ષા લઈને પસાર થઈ રહ્યા હતા ત્યારે ત્યારે રિક્ષા પલ્ટી જતાં અકસ્માતનો બનાવ બનેલ હતો જેમાં ઈજા પામેલ ફિરોજભાઈ મકરાણીને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને આ બનાવની મોરબી સિવિલ હોસ્પિટલ મારફતે એ ડિવિઝન પોલીસને જાણ કરવામાં આવતા પોલીસે બનાવની નોંધ કરીને આગળની કાર્યવાહી હાથ ધરી હતી અને આ બનાવની આગળની વધુ તપાસ વિપુલભાઈ ફૂલતરીયા કરી રહ્યા છે
