મોરબીના લૂંટવાદર પાસે બાઈક સાથે બાઈક અથડાતાં ઇજા પામેલા યુવાન સારવારમાં
SHARE
JOIN OUR GROUP
મોરબીના લૂંટવાદર પાસે બાઈક સાથે બાઈક અથડાતાં ઇજા પામેલા યુવાન સારવારમાં
મોરબીના નવલખી રોડ ઉપર આવેલ લૂંટવાદર ગામ પાસેથી યુવાન બાઇક લઈને પસાર થતો હતો ત્યારે સામેથી આવી રહેલ બાઈક સાથે બાઈક અકસ્માતનો બનાવ બન્યો હતો જેમાં ઇજા થવાથી અર્ધબેભાન હાલતમાં યુવાનને સારવાર માટે મોરબીની ક્રિષ્ના હોસ્પિટલ ખાતે લઈને આવ્યા હતા અને આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી
બનાવવી જાણવા મળતી માહિતી મુજબ માળિયા મીયાણા તાલુકાના મોટા દહીસરા ગામે રહેતો વિમલ દેવાભાઈ બાંભવા (૩૩) નામનો યુવાન મોરબીના નવલખી રોડ ઉપર આવેલ મોટા દહીસરા ગામ પાસેથી પોતાનું બાઈક લઈને પસાર થઈ રહ્યો હતો ત્યારે સામેથી આવેલા બાઇક સાથે તેનું બાઈક અથડાયું હતું જેથી કરીને અકસ્માતનો બનાવ બન્યો હતો અને અકસ્માતના આ બનાવમાં વિમલને ઇજાઓ થઈ હોવાથી અર્ધ બેભાન હાલતમાં તેને સારવાર માટે મોરબી શહેરના રોડ ઉપર આવેલ ક્રિષ્ના હોસ્પિટલ ખાતે લઈને આવ્યા હતા અને અકસ્માતના આ બનાવમાં ઈજા પામેલા યુવાનને સારવાર આપ્યા બાદ આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી હતી અને આ બનાવની આગળની વધુ તપાસ અર્જુનસિંહ ઝાલા ચલાવી રહ્યા હોવાનું જાણવા મળેલ છે
અકસ્માતમાં ઇજા
માળીયા કચ્છ હાઇવે ઉપર આવેલ વિશાલા હોટલ નજીક પેટ્રોલ પંપ પાસે વાહન અકસ્માતનો બનાવ બન્યો હતો જેમાં અંજારના રહેવાસી ઓસમાણ કાસમભાઈ શેખ નામના વ્યક્તિને ઈજા થઈ હતી જેથી ઈજા પામેલ હાલતમાં તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને અકસ્માતના આ બનાવમાં ઈજા પામેલા વ્યક્તિને સારવાર આપ્યા બાદ આ બનાવની મોરબી સીટી એ ડિવિઝન પોલીસને પ્રથમ જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની વધુ તપાસ માટે માળિયા મીયાણા તાલુકા પોલીસને જાણ કરવામાં આવી છે
મારામારીમાં ઇજા
મોરબીના લીલાપર રોડ ઉપર આવેલ સરકારી આવાસ યોજનાના મકાનમાં મારામારીનો બનાવ બન્યો હતો જેમાં બોટાદ જિલ્લાના રાણપુરના રહેવાસી વિજયભાઈ મનુભાઈ પરમાર (૨૦) નામના યુવાનને ઇજા થઈ હતી જેથી ઇજાગ્રસ્ત યુવાનને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની આગળની વધુ તપાસ મોરબી સીટી એ ડિવિઝન પોલીસ સ્ટેશનના વિપુલભાઈ ફુલતરીયા ચલાવી રહ્યા છે
