મોરબી શહેર અને જીલ્લામાં કથડતી કાયદો વ્યવસ્થા માટે ગૃહમંત્રીને કરાઇ રજૂઆત 

મોરબી શહેર અને જિલ્લામાં ચિંતાજનક રીતે ગુનાખોરી વધી રહી છે ગમે ત્યારે ગમે તેના ઉપર ખૂની હુમલો, હત્યા, મારામારી સહિતના બનાવો બનતા હોય છે ત્યારે મોરબી જિલ્લા કોંગ્રેસના મહામંત્રી દ્વારા રાજ્યના ગૃહમંત્રીને મોરબી શહેર અને જીલ્લામાં કથડતી કાયદો વ્યવસ્થા માટે લેખિત રજૂઆત કરવામાં આવી છે અને મોરબી બિહાર બનવા તરફ આગેકૂચ કરી રહ્યું હોય તેમ જણાવ્યુ છે

મોરબીમાં હત્યા, ચોરી, બળાત્કાર, લૂંટ, અપહરણ, ખંડણી મારામારી જેવા કેસો રોજ બરોજ બને છે જાણે કે મોરબીમાં પોલીસનો કોઇ ડર ન હોય તેવી પરિસ્થિતિ થય ગઇ છે ત્યારે પોલીસે કડક બનવાની જરૂર છે જો કે, તેવું થતું નથી ત્યારે ગુનેગારોની સામે આકરા પગલાં લેવામાં આવે અને ગુનેગારોને ઝેર કરવામાં આવે તેના માટે કડક કામગીરી કરી પોલીસ પ્રજાને વિશ્વાસ અપાવે કે મોરબીમાં પોલીસ છે તેવું મોરબી જિલ્લા કોંગ્રેસનાં મહામંત્રી મહેશભાઇ રાજ્યગુરુએ જણાવ્યુ છે મોરબીમાં સરદાર રોડ ઉપર યુવાનની હત્યા કરવામાં આવી ત્યારે પોલીસ મોરબીમાં નિષ્ક્રિય હોય તેવું લાગી રહ્યું છે જેથી મોરબીમાં કડક અમલદારને મૂકીને કાયદો અને વ્યવસ્થાને મજબૂત કરવામાં ગૃહમંત્રીને લેખિત રજૂઆત કરીને માંગ કરી છે