મોરબીમાં થઈ ગયેલ બે હજાર જેટલા લારી, ગલ્લા અને પાથરણાના દબાણો હટાવવા પત્રકારની તાલુકા સંકલનમાં ઘા
Morbi Today
મોરબીમાં લાખોની ચોરીના ગુનામાં પકડાયેલા મહિલા સહિતના ચારેય આરોપી જેલ હાવેલ
SHARE
JOIN OUR GROUP
મોરબીમાં લાખોની ચોરીના ગુનામાં પકડાયેલા મહિલા સહિતના ચારેય આરોપી જેલ હાવેલ
મોરબીના કાયાજી પ્લોટ વિસ્તારમાં રહેતો પરિવાર રાજકોટમાં પ્રસંગ હોવાથી ત્યાં ગયો હતો અને તેઓનું ઘર બંધ હતું દરમિયાન તે બંગલામાં ચોરી કરવામાં આવી હતી જેની વેપારીએ નોંધાવેલ ફરિયાદ આધારે પોલીસે આ ગુનામાં બંગલાના જૂના ચોકીદાર તેના દીકરા અને એક નેપાળી દંપતિની ધરપકડ કરી હતી જે ચારેય આરોપીઓના રિમાન્ડ પૂરા થતાં આરોપીઓને જેલ હવાલે કરવામાં આવેલ છે
મોરબીના વેપારી હિમાંશુભાઇ ચંદ્રકાંતભાઇ ચંડીભમ્મરના ઘરે દાગીના અને રોકડ મળીને સરકારી ચોપડે નોંધાયેલ આંકડા મુજબ ૨૫.૫૭ લાખના મુદામાલની ચોરી કરવામાં આવી હતી જેની ફરિયાદ આધારે આરોપીને પકડવા માટે તજવીજ કરવામાં આવી રહી હતી અને આ ગુનામાં બંગલાના જૂના ચોકીદાર રામબહાદુર ઉર્ફે જોખીયા ગુલજે નવલસીંગ વિશ્ર્વકર્મા જાતે નેપાળી (૫૫), વિનોદ રામબહાદુર ઉર્ફે જોખીયા વિશ્ર્વકર્મા જાતે નેપાળી (૨૩) ,મનીષ કૈલાશ ઉર્ફે કેલે વિશ્વકર્માં જાતે નેપાળી (૩૦) અને દર્શના મનીષભાઇ વિશ્ર્વકર્મા જાતે નેપાળી (૩૩) રહે. ચારેય મૂળ નેપાળ અને હાલ મોરબી વાળાની ધરપકડ કરી હતી અને તે આરોપીઓ રિમાન્ડ ઉપર હતા જે આરોપીઓના રિમાન્ડ પૂરા થતાં તે આરોપીઓને કોર્ટમાં રજૂ કરીને પોલીસે હાલમાં આરોપીઓને જેલ હવાલે કરેલ છે અમે બાકીના આરોપીઓને પકડવા માટે તજવીજ ચાલી રહી છે
