મોરબીના જેતપર ગામે ઝેરી દવા પી ગયેલ યુવાનનું સારવાર દરમિયાન મોત
Morbi Today
મોરબીમાં આધાર કાર્ડ અને રેશનકાર્ડ કાઢવાની કામગીરી સરળ-ઝડપી કરવા માંગ
SHARE
JOIN OUR GROUP
મોરબીમાં આધાર કાર્ડ અને રેશનકાર્ડ કાઢવાની કામગીરી સરળ-ઝડપી કરવા માંગ
મોરબી જીલ્લામાં આધાર કાર્ડ તથા રેશનકાર્ડ કઢાવવા માટે લોકોને ભારે હેરાનગતીનો સામનો કરવો પડે છે જેથી કરીને રમેશભાઈ બી.રબારી દ્વારા હાલમાં કલેક્ટરને આ મુદે લેખિતમાં રજૂઆત કરવામાં આવી છે
મોરબીમાં રમેશભાઈ બી.રબારીએ કરેલી રજૂઆત મુજબ મામલતદાર કચેરી, પોસ્ટ ઓફિસ સહિતના સ્થળે આધાર કાર્ડ અને રેશનકાર્ડ કાઢવાની કાર્યવાહી ચાલુ છે પરંતુ આ કાર્યવાહીમાં લોકો ભારે મુશ્કેલી અનુભવે છે કેમ કે, અધિકારીઓ લોકોને સુયોગ્ય માર્ગદર્શન આપતા નથી અને લોકો સાથે તોછડો અને ઉધ્ધત વ્યવહાર કરે છે જેથી આ કામગીરી સરળતાથી થતી નથી માટે લોકો સાથે સુચારૂ વ્યવહાર સાથે લોકોને ઝડપથી તેઓની કામગીરી પૂર્ણ થાય તેવી માંગણી કરેલ છે ખાસ કરીને અધિકારીઑ લોકોને કહે છે “ઉપરથી કોમ્યુટરમાં સર્વર ડાઉન છે” તેને કારણે અસરકારક કામગીરી થતી નથી જયારે આજ બીલ્ડીંગમાં અન્ય જગ્યાએ રાબેતા મુજબ કામગીરી થાય છે ત્યાં સર્વરનો પ્રશ્ન આવતો નથી ફકત આધાર કાર્ડ અને રેશનકાર્ડ કાઢવાની કામગીરી ચાલુ હોય છે ત્યાં જ સર્વર ડાઉન હોય છે ? રેશનકાર્ડની કામગીરી બંધ છે તેવા બોર્ડ મારી દે છે કેટલી તારીખથી કેટલી તારીખ સુધી બંધ છે તે પણ જણાવતા નથી આ ઉપરાંત ખાનગી કોન્ટ્રાકટ હોવાથી પુરતા માણસો પણ રાખતા નથી માટે લોકોના કામ ઝડપથી થાય તેવી વ્યવસ્થા ગોઠવવામાં આવે તે જરૂરી છે
