મોરબીના રામચોક પાસે કુરિયરની ઓફિસમાંથી ૫.૨૦ લાખના મુદામાલની ચોરી

મોરબીના રામચોક પાસે કુરિયરની ઓફિસ આવેલ છે જેમાંથી ૫.૧૦ લાખ રૂપિયા રોકડા તેમજ અન્ય મુદામાલ મળીને ૫.૨૦ ના મુદામાલની ચોરી કરવામાં આવી છે જેથી કરીને હાલમાં આ મુદે મોરબી એ ડિવિઝન પોલીસ સ્ટેશને ફરિયાદ નોંધાવવામાં આવતા પોલીસે ગુનો નોંધીને આરોપીને પકડવા માટે જુદીજુદી દિશામાં તપાસ શરૂ કરેલ છે .

જાણવા મળતી માહિતી મુજબ મોરબીના રામચોક પાસે આવેલ બ્લુ ડાર્ટ કુરિયરની ઓફિસમાંથી રોકડા રૂપિયાની ચોરી કરવામાં આવેલ છે જેની મયુર ભીખાભાઈ સોલંકીએ અજાણ્યા શખ્સની સામે ચોરીની ફરિયાદ નોંધાવી છે જેમાં તેને જણાવ્યુ છે કે, ૫.૧૦ લાખ રોકડા તેમજ ૧૦ હજારની કિંમતના સીસીટીવી કેમેરા અને ડિવિઆરની ચોરી કરવામાં આવેલ છે આમ કુલ મળીને ૫.૨૦ લાખના મુદામાલની ચોરી કરવામાં આવી હોવાની ફરિયાદ લઈને પોલીસે આરોપીને પકડવા માટે તજવીજ શરૂ કરેલ છે અત્રે ઉલેખનીય છે કે, જે જગ્યાએ ચોરી કરવામાં આવી છે તે ઓફીસનું શટર ઉંચકાવ્યુ નથી !, તાળા તોડવામાં આવ્યા નથી ! જેથી કરીને ચોરીમાં જાણભેદુ હોવાની શંકા આધારે પોલીસે આરોપી સુધી પહોચવા માટે તજવીજ શરૂ કરેલ છે.