ટંકારાના ટોળ ગામને પીવાનું પૂરતું પાણી ન મળે તો રાજીનામું દેવાની સરપંચની ચીમકી

મોરબી જિલ્લાના ટંકારા તાલુકાના ટોળ ગામે છેલ્લા ઘણા સમયથી પાણી માટે લોકો હેરાન છે ત્યારે આ ગામને પૂરતા પ્રમાણમા પીવાનું પાણી ન મળે તો સરપંચ પદેથી રાજીનામું આપવાની સરપંચે ચિઉમકી ઉચ્ચારી છે અને આ અંગેની મામલતદારને રજૂઆત કરી છે

ટંકારા તાલુકાનાં ટોળ ગામના સરપંચ ગઢવાળા અબ્દુલભાઈએ જે લેખિત રજૂઆત કરી છે તેમાં જણાવ્યુ છે કે, ટોળ ગામે છેલ્લા ઘણા  સ્માયથી પીવાનું પાણી પૂરતા પ્રમાણમા આવી રહ્યું નથી જેથી કરીને ટોળ ગામના લોકો 15 દિવસથી હેરાન છે અને આ બાબતે વારંવાર રજૂઆત કરી છે તો પણ પ્રશ્ન ઉકેલતો નથી જેથી કરીને ગામ લોકો પાણી માટે હેરાન છે ત્યારે જો ગામના લોકોને પાણી નહીં મળે તો સરપંચ પદેથી રાજીનામું આપવાની સરપંચે ચીમકી ઉચ્ચારી છે વધુમાં સરપંચે કહ્યું છે કે, ટંકારા સંપથી ટોળ ગામ સુધી પાણી આવે છે તેમાંથી પાણીની ચોરી કરવામાં આવી રહી છે જેથી ગામને પાણી મળી રહ્યું નથી માટે આગામી દિવસોમાં પાણી ચોરી કરનાર સામે પણ આકરા પગલાં લેવામાં આવશે