ટંકારાના નેકનામ ગામે બનેલ બનાવ સંદર્ભે કલેક્ટરને આવેદન પત્ર પાઠવ્યું

ટંકારા તાલુકાનાં નેકનામ ગામે પરબે પીવાનું પાણી ભરવા બાબતે અનુસૂચિત જાતિના સગીર વયના બાળકને માર મરવામાં આવ્યો હતો અને અને તેના પિતાને પણ જ્ઞાતિ પ્રત્યે હડધૂત કર્યા હતા જેની ફરિયાદ નોંધાઈ હતી જો કે, મોરબી જિલ્લા અનુસૂચિત જાતિ સમાજના લોકોએ કલેક્ટરને આવેદનપત્ર આપવામાં આવ્યું છે અને ગુનો નોંધવામાં બેદરકારી કરનાર પીએસઆઇ તેમજ ડોક્ટર સામે પણ કાર્યવાહી કરવાની માંગ કરાઇ છે.

મોરબી જિલ્લા અનુસૂચિત જાતિ સમાજના લોકોએ કલેક્ટરને આવેદનપત્ર આપ્યું છે જેમાં જણાવ્યુ છે કે, ટંકારાના નેકનામ ગામે થોડા દિવસો પહેલા અનુસૂચિત જાતિનો સગીર વયનો બાળક ગામના પીવાના પરબે પાણી ભરવા ગયો હતો ત્યારે એક તેને માર માર્યો હતો અને તેના પિતાને જ્ઞાતિ પ્રત્યે હડધૂત કર્યા હતા અને હુમલો કર્યો હતો. જેથી બાળકને સારવાર માટે ટંકારા લઈને ગયા હતા જો કે, ડોક્ટરે ફરજમાં બેદરકારી દાખવી બાળકને રીફર કરી દીધો હતો અને આ બનાવની ફરિયાદ લેવામાં ટંકારાના પીએસઆઇએ બેદરકારી રાખી હોવાનો આક્ષેપ કરવામાં આવ્યો છે અને હુમલાખોર તેમજ બેદરકારી દાખવનાર અધિકારી તેમજ ડોકટર સામે પગલાં લેવાની માંગ કરવામાં આવી છે