મોરબીના અમરનગર નજીક રસ્તા ઉપર ઢોર આડુ આવતા બાઇક સ્લીપ થવાથી વૃદ્ધનું મોત

મોરબી તાલુકાના ગાળા ગામે રહેતા વૃદ્ધ વાવડી ગામ તરફ પોતાનું બાઈક લઈને આવી રહ્યા હતા ત્યારે અમરનગર અને દાદાશ્રીનગર વચ્ચે સર્વોદય હોટલ સામેથી તેઓ પસાર થતા હતા ત્યારે તેના બાઈકની આડે ઢોર ઉતરતા તેને બચાવવા જતા મોટર સાયકલ સ્લીપ થઈ ગયું હતું જેથી કરીને વૃદ્ધને માથામાં ઈજા થઈ હોવાથી તેને સારવાર માટે તાત્કાલિક મોરબીની ખાનગી હોસ્પિટલ ખાતે લઈને આવ્યા હતા જોકે સારવાર દરમિયાન તેનું મોત નિપજ્યું હતું જેથી આ બનાવની મૃતકના દીકરા દ્વારા મોરબી તાલુકા પોલીસને જાણ કરવામાં આવતા પોલીસે બનવાની નોંધ કરીને આગળની રાબેતા મુજબની કાર્યવાહી હાથ ધરી છે

બનાવની જાણવા મળતી માહિતી મુજબ મોરબીના ગાળા ગામે રહેતા હીરાભાઈ ગંગારામભાઈ વીંધાણી જાતે વાણંદ (૬૦) પોતાનું બાઈક નંબર જીજે ૩ સીડી ૨૩૬૨ લઈને પોતાના ઘરેથી મોરબી વાવડી બાજુ આવી રહ્યા હતા ત્યારે રસ્તામાં અમરનગર અને દાદાશ્રીનગર વચ્ચે સર્વોદય હોટલ સામેથી તેઓ પસાર થતા હતા ત્યારે તેઓના બાઈકની આડે ઢોર ઉતર્યું હતું જેને બચાવવા જતા હીરાભાઈનું બાઈક સ્લીપ થઈ ગયું હતુ જેથી તેને માથામાં અને શરીરે ઇજાઓ થઈ હતી માટે તેને ૧૦૮ મારફતે તાત્કાલિક મોરબીની આયુષ હોસ્પિટલ ખાતે સારવારમાં લઈને આવ્યા હતા અને ત્યાં સારવાર દરમિયાન તેનું મોત નીપજ્યું હતું જેથી અકસ્માત મૃત્યુના બનાવની મૃતક હીરાભાઈના દીકરા અંકિતભાઈ હીરાભાઈ વિંધાણી (૨૮)એ હાલમાં મોરબી તાલુકા પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી કરેલ છે આ બનાવની આગળની વધુ તપાસ એએસઆઈ ફિરોજભાઈ સુમરા ચલાવી રહ્યા છે