મોરબીના માળીયા મિયાણામાં બાઈક સાથે કાર અથડાવી બે યુવકોને ઢોર માર માર્યો, બંદૂકથી ફાયરિંગ કરતા એકને પગમાં ઈજા
SHARE
JOIN OUR GROUP
મોરબીના માળીયા મિયાણામાં બાઈક સાથે કાર અથડાવી બે યુવકોને ઢોર માર માર્યો, બંદૂકથી ફાયરિંગ કરતા એકને પગમાં ઈજા
જૂની અદાવત : બંને યુવકોને મોરબી સારવારમાં ખસેડાયા હતા, ફાયરિંગથી ઘવાયેલાને રાજકોટ સિવિલમાં રીફર કરાયો
માળીયા મિયાણામાં બાઈક સાથે કાર અથડાવી બે યુવકોને ઢોર માર માર્યો હતો. બંદૂકથી ફાયરિંગ કરતા એકને પગમાં ઈજા થઈ હતી. બંને યુવકોને મોરબી સારવારમાં ખસેડાયા હતા.ફાયરિંગથી ઘવાયેલને રાજકોટ સિવિલમાં રીફર કરાયો હતો
વધુમાં મળતી માહિતી અનુસાર, ઈમરાન અબ્બાસભાઈ માલાણી (ઉંમર વર્ષ 18) અને ઈદ્રીશ યાસીનભાઈ માલાણી (ઉંમર વર્ષ 30, (રહે. બંને વાંઢ ઝખડીયા વિસ્તાર, માળીયા મિયાણા, જિલ્લો મોરબી) ગઈકાલે સાંજે સાત વાગ્યા આસપાસ માળીયાથી ઝખડિયા તરફ જતા હતા ત્યારે વાડી વિસ્તારમાં ગુલાબ જેડા, દિનમહંમદ જેડા તથા તેની સાથેના માણસોએ ઝઘડો કરી બંદૂક વડે ફાયરિંગ કરેલ અને માર મારેલ.બંનેને ઈજા થતાં સારવારમાં મોરબી સિવિલ હોસ્પિટલમાં ખસેડાયા હતા.જેમાં ઇમરાનને ફાયરિંગથી પગમાં ઈજા થઈ હોય, વધુ સારવાર માટે રાજકોટ સિવિલમાં રીફર કરાયો હતો.
આ અંગે જાણવા મળતી વિગત મુજબ, બંને યુવાનો માળીયાથી પોતાના ઘર તરફ જતા હતા.ત્યારે આરોપીઓ કારમાં આવ્યા હતા.પ્રથમ બાઈક સાથે પાછળથી કાર અથડાવી હતી.પછી કાર ઊભી રાખીને કારમાંથી ઉતરીને બંને યુવાનોને પાઇપ વડે માર માર્યો હતો,અને ઇજાગ્રસ્તના કહેવા મુજબ બંદૂકથી ફાયરિંગ કર્યું હતું.જેમાં ઇમરાનને પગમાં છરા લાગી ગયા હતા.ઇજાગ્રસ્તના પરિવારજનોના જણાવ્યા મુજબ બે એક મહિના પહેલા સામા વાળા સાથે ઇજાગ્રસ્તોને બોલાચાલી થઈ હતી.આ ઝઘડાનો ખાર રાખીને હાલનો હુમલો કર્યો હોવાનું અનુમાન છે.માળીયા મીયાણા પોલીસે ફાયરિંગના બનાવમાં કેટલી હકીકત છે તે જાણવા પણ તપાસ હાથ ધરી છે. #morbi #મોરબી
