મોરબીના ઢુવા પાસે પગપાળા જતા મહિલાનું ડમ્પર હડફેટે મોત, હળવદમાં જાહેરનામા ભંગ સબબ કાર્યવાહી
Morbi Today
મોરબી: માળીયાના વવાણીયા ગામે રૂપીયાની લેતી દેતી મુદદે દંપતી ઉપર હુમલો
SHARE
JOIN OUR GROUP
મોરબી: માળીયાના વવાણીયા ગામે રૂપીયાની લેતી દેતી મુદદે દંપતી ઉપર હુમલો
મોરબી જિલ્લાના માળિયા મીંયાણા તાલુકામાં આવેલા વવાણીયા ગામે ગામના વોંકડા નજીક મારામારીનો બનાવ બન્યો હતો.જેમાં કોળીવાસ વિસ્તારમાં રહેતા દંપતિ ઉપર પૈસાની લેતી-દેતી મુદ્દે કરવામાં આવેલ હુમલામાં ઇજાગ્રસ્ત દંપત્તિને સારવારમાં લઈ જવામાં આવ્યુ હતુ.બાદમાં ફરિયાદ નોંધાવવામાં આવતા પોલીસે તપાસ શરૂ કરી છે.
હાલ માળિયા મિંયાણા પોલીસ મથક ખાતે છગનભાઇ દેવાભાઇ મકવાણા જાતે કોળી (ઉ.વ.૩૫) ધંધો મજુરી રહે.મોટા કોળીવાસ, વવાણીયા ગામ તા.માળીયા (મિં.) જી.મોરબીએ પ્રવિણ ઉર્ફે ચકો સુરેશભાઇ મકવાણા, શીવાભાઇ સુરેશભાઇ મકવાણા, નથુભાઇ સુરેશભાઇ મકવાણા, સુરેશભાઇ મકવાણા, મનજી ઉર્ફે ટીલીયો મકવાણા તમામ રહે.વવાણીયા ગામ તા.માળીયા(મી) જી.મોરબી સામે ફરીયાદ નોંધાવતા જણાવ્યુ હતુ કે, ફરીયાદી છગનભાઇ સાથે ભાયુ કુટુંબના રૂપીયાની લેતી દેતી બાબતે ઝગડો કરીને પ્રવિણભાઇએ ફરીયાદીને ગાળો આપીને ઝપાઝપી કરી મુઢ માર મારીને ટાંટીયા ભાંગી નાખવાની ધમકી આપીને જતો રહ્યો હતો.બાદ બાકીના ચારેયએ ફરીયાદી તથા ફરીયાદીના પત્નીને ગાળો આપીને લાકડાના ધોકા તેમજ મુઢ માર મારીને શરીરે મુઢ ઇજાઓ પોડહચાડી ટાંટીયા ભાંગી નાંખવાની ધમકી આપી હતી.
વાહન અકસ્માતમાં ઈજા થતા સારવાર
મોરબી તાલુકાના ખારચિયા ગામેથી બાઈક લઈને પસાર થઈ રહેલા બચુભાઈ મયાભાઈ બાંભવા ભરવાડ (ઉમર ૫૦) રહે. સામપર જોડિયા નું બાઈક ભેંસની સાથે ટકરાયુ હતુ.આ બનાવમાં ઈજાઓ થવાથી બચુભાઈને અત્રેની સિવિલ હોસ્પિટલમાં સારવાર માટે લાવવામાં આવ્યા હતા.જ્યારે મોરબીના લાઈન્સનગર વિસ્તારમાં રહેતા સુનિલભાઈ ડાયાભાઈ નારોલા (૧૭) ને ઘરે મારામારીમાં સામાન્ય ઇજા થતા અહીંની સિવિલ હોસ્પિટલમાં સારવાર માટે લાવવામાં આવ્યો હતો.તે રીતે જ મોરબીના રોહીદાસપરા વિસ્તારમાં ઘરે મારામારીની ઘટનામાં ઈજા પામેલ કંચનબેન જયંતીભાઈ ચૌહાણ (૩૬) તેમજ રોહીદાસપરામાં જ રહેતા ભુપેન્દ્રભાઈ ગોવિંદભાઈ ચૌહાણ (૨૩) ને ઇજાઓ થવાથી બંનેને અત્રેની સિવિલે સારવાર માટે લાવવામાં આવ્યા હતા.બનાવ અંગે નોંધ થતા સતિષભાઈ ગળચર દ્વારા આગળની તપાસ શરૂ કરવામાં આવી હતી.
જુગાર રમતા પકડાયો
માળિયા મીંયાણા પોલીસ સ્ટાફ દ્વારા પેટ્રોલિંગ દરમિયાન માળિયાની મોટી બજાર પાસે વોચ કરવામાં આવી હતી અને ત્યાં રેડ કરવામાં આવતા જાહેરમાં આવતા જતા લોકો પાસેથી વરલી ફિચરના આંકડા લેતા લતીફ હૈદરભાઈ કાજડીયા જાતે મિંયાણા (૩૨) રહે.સરકારી હોસ્પિટલ પાછળ માળીયા મિંયાણાને ઝડપી પાડવામાં આવ્યો હતો.તેની પાસેથી રોકડા રૂપિયા ૧૭૦ મળી આવ્યા હોય જપ્ત કરી ગુનો નોંધવામાં આવ્યો હતો..!
