મોરબીમાં બાઈક પાર્કમાં બબાલ, યુવક ઉપર છરી-ધોકાથી હુમલો
SHARE
JOIN OUR GROUP
મોરબીમાં બાઈક પાર્કમાં બબાલ, યુવક ઉપર છરી-ધોકાથી હુમલો
મોરબીમાં ભાગ્યલક્ષ્મી સોસાયટીમાં રહેતો અને વેલ્ડિંગ કામની દુકાનમાં કામ કરતો જગદીશ ધીરુભાઈ રેણુકા (ઉંમર વર્ષ 27) ગઈકાલે રાત્રે આઠ વાગ્યાં આસપાસ પોતાની વેલ્ડિંગ કામની દુકાને હતો .
ત્યારે દીલા અને રાજુ નામના શખ્સે છરી - ધોકાથી હુમલો કરતા જગદીશને માથે શરીરે ઈજા થતા પ્રથમ મોરબી સિવિલ બાદ રાજકોટ સિવિલમાં દાખલ કરાયો હતો. જગદીશ 3 ભાઈ અને 2 બહેનમાં નાનો અને કુંવારો છે. સામાવાળા દિલો અને રાજુએ દુકાન સામે જ બાઈક પાર્ક કર્યું હોય, બાઈક ત્યાંથી આગળ લઈ લેવાનું કહેતા બોલાચાલી કરી માર માર્યો હતો. મોરબી બી ડિવિઝન પોલીસે આ અંગે વધુ કાર્યવાહી હાથ ધરી હતી.
દારૂ સાથે પકડાયો
મોરબી સીટી બી ડિવિઝન પોલીસ સ્ટાફે શહેરના સામાકાંઠે માળિયા ફાટક પાસે આવેલ ઇન્દિરાનગરમાં મંગલમ્ વિસ્તારમાં રહેતા સાગર નવઘણભાઈ ખાંભળીયા કોળી નામના ૨૭ વર્ષના યુવાનને સોસાયટીના નાકા પાસે અટકાવ્યો હતો અને ચેક કરતા તેની પાસેથી દારૂની એક બોટલ મળી આવી હોય રૂપિયા 565 ની કિંમતની દારૂની બોટલ જપ્ત કરી હાલ તેની સામે ગુનો નોંધી તે આ બોટલ ક્યાંથી લાવ્યો હતો ? તે દિશામાં આગળની તપાસ શરૂ કરી છે.
