ટંકારાના મિતાણા પાસે વાહન ચાલકે હડફેટે લેતા માથામાં હેમરેજ થવાથી રાહદારી યુવાનનું મોત

ટંકારા તાલુકાના મિતાણા નેકનામ રોડ ઉપર આવેલ ગણેશપરના પાટીયાથી થોડે આગળના ભાગમાં ચાલીને જઈ રહેલા યુવાનને વાહન ચાલકે હડફેએ લેતા તેને માથાના ભાગે ગંભીર ઇજા થયેલ હતી અને તેનું મોત નીપજયું હતું અને અકસ્માત સર્જીને વાહન ચાલક પોતાનું વાહન લઈને નાસી ગયેલ હોય હાલમાં મૃતકના ભાઈએ નોંધાવેલ ફરિયાદ આધારે પોલીસે વાહન ચાલકની સામે ગુનો નોંધી તેને પકડવા માટે તજવીજ શરૂ કરી છે

જાણવા મળતી માહિતી મુજબ મીતાણા ગામે રહેતા ભરતભાઈ નરસીભાઈ ઢેઢી જાતે પટેલ (૩૫)એ ટાટા કંપનીનું કેસરી કલરનું વાહન નંબર એમએચ ૦૩ સિવિ ૩૮૩૨ ના ચાલક સામે ટંકારા તાલુકા પોલીસ સ્ટેશન ખાતે ફરિયાદ નોંધાવેલ છે જેમાં તેને જણાવ્યૂ છે કે, તેઓના ભાઈ હરેશભાઈ નરસીભાઈ ઢેઢી (૪૦) મિતાણા નેકનામ રોડ ઉપર આવેલ ગણેશપરના પાટીયાથી થોડે આગળ મીતાણા ગામ તરફ પગપાળા ચાલીને જઈ રહ્યા હતા ત્યારે વાહન ચાલકે તેને હડફેટે લેતા તેઓને માથાના ભાગે ગંભીર ઇજા થઈ હતી જેથી તેનું મોત નીપજયું હતું અને અકસ્માત સર્જીને વાહન ચાલક પોતાનું વાહન ત્યાંથી લઈને નાસી ગયેલ હોય હાલમાં મૃતકના ભાઈએ નોંધાવેલ ફરિયાદ આધારે પોલીસે વાહન ચાલકની સામે ગુનો નોંધી તેને પકડવા માટે તજવીજ શરૂ કરેલ છે