મોરબીના આમરણ રોડે સર્જાયેલા અકસ્માતમાં ઇજા પામેલા યુવાનનું મોત

મોરબી તાલુકાના આમરણથી બગથળા ગામ તરફ આવવાના રસ્તા ઉપર આવેલ ગોળાઈ પાસે અકસ્માતમાં બનાવ બન્યો હતો જેમાં બાઈક ઉપર જઈ રહેલા પિતા પુત્રને ઇજા થઈ હતી જેમાં યુવાનને માથાના ભાગે હેમરાજ જેવી ઈજા થઈ હોવાથી તેને પ્રાથમિક સારવાર આપ્યા બાદ વધુ સારવાર માટે અમદાવાદ સિવિલ હોસ્પિટલ સુધી લઈ ગયા હતા જો કે, સારવાર કારગત ન નિવડતા તેનું મોત નીપજ્યું હતું જેથી કરીને હાલમાં મૃતક દીકરા સામે તેના પિતાની ફરિયાદ લઈને પોલીસે આગળની રાબેતા મુજબની કાર્યવાહી હાથ ધરી છે

બનાવની જાણવા મળતી માહિતી મુજબ મોરબી નજીકના નાની વાવડી ગામે શક્તિધામ સોસાયટીમાં હાલ રહેતા મૂળ આમરણના રહેવાસી ગોરાભાઈ અમરાભાઇ પરમાર જાતે અનુ. જાતિ (૬૬)એ તેના મૃતક દીકરા ઉમેશ ગોરાભાઇ પરમાર જાતે અનુ. જાતી (૨૬)ની સામે મોરબી તાલુકા પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યૂ છે કે આમરણથી બગથળા ગામ તરફ જવાના રસ્તા ઉપર ગોળાઈમાં અકસ્માતનો બનાવ બન્યો હતો જેમાં બાઇક ચલાવતા તેના દીકરાને માથાના ભાગે ગંભીર ઇજા થયેલ હોવાથી તેને હેમરેજ થઈ ગયુ હતું જેથી તેને પ્રાથમિક સારવાર આપ્યા બાદ વધુ સારવાર માટે અમદાવાદ સુધી લઈ ગયા હતા જ્યાં ચાલુ સારવારે તેનું મોત નિપજ્યું હતું જેથી કરીને અકસ્માત મૃત્યુના આ બનાવમાં પોલીસે મૃતકના પિતાની ફરિયાદ લઈને આગળની રાબેતા મુજબની કાર્યવાહી હાથ ધરી છે